پشاور (سپیشل رپورٹر)
تاریخی تعلیمی ادارے اسلامیہ کالج یونیورسٹی پشاور میں صوبائی وزیر برائے اعلیٰ تعلیم کی واضح ہدایات کے باوجود بائیومیٹرک حاضری کا سسٹم دو ماہ گزرنے کے بعد بھی فعال نہیں ہو سکا ہے۔ انتظامی غفلت اور عدم دلچسپی کے باعث جدید حاضری کے نظام کا اجراء مسلسل التوا کا شکار ہے
نان ٹیچنگ اسٹاف پیش پیش، اساتذہ اور آفیسرز کا بائیکاٹ
ذرائع کے مطابق بائیومیٹرک سسٹم کے نفاذ کے لیے نان ٹیچنگ اسٹاف نے ذمہ داری کا مظاہرہ کرتے ہوئے اگست کے پہلے ہفتے میں ہی اپنی رجسٹریشن کے تمام مراحل مکمل کر لیے تھے۔ دوسری جانب ٹیچنگ اسٹاف (اساتذہ) اور یونیورسٹی کے اعلیٰ آفیسرز کی جانب سے روایتی لعل و عمل اور عدم تعاون کا رویہ برقرار ہے، جو اس سسٹم کو فعال کرنے کی راہ میں سب سے بڑی رکاوٹ بنا ہوا ہے
نظم و ضبط متاثر ہونے کا خدشہ
بائیومیٹرک حاضری کے اجرا میں غیر معمولی تاخیر کے باعث یونیورسٹی کے انتظامی اور تعلیمی نظم و ضبط پر سنگین سوالات اٹھنے لگے ہیں تعلیمی حلقوں نے اعلیٰ حکام سے مطالبہ کیا ہے کہ غفلت کا مظاہرہ کرنے والے عناصر کا محاسبہ کیا جائے اور سسٹم کو فوری طور پر فعال بنایا جائے۔
