ملتان (ایجوکیشن رپورٹر) خواتین یونیورسٹی ملتان میں نیشنل بک فاؤنڈیشن کے تعاون سے ایک روزہ "بک فیئر 2026ء” کا انعقاد کیا گیا،
جس کا باقاعدہ افتتاح وائس چانسلر پروفیسر ڈاکٹر سیدہ شاہدہ بتول نے کیا۔ کتاب میلے میں طالبات، اساتذہ اور شائقینِ کتب نے بڑی تعداد
میں شرکت کی اور علمی، تحقیقی و ادبی موضوعات پر دستیاب مختلف کتب میں گہری دلچسپی کا اظہار کرتے ہوئے اپنی پسندیدہ کتابیں
خریدیں۔
گورنمنٹ کالج یونیورسٹی فیصل آباد، اسموگ کےاسباب اور احتیاطی تدابیر پر آگاہی سیمینار
اس موقع پر اپنے خطاب میں وائس چانسلر پروفیسر ڈاکٹر سیدہ شاہدہ بتول نے کہا کہ کتاب انسان کی بہترین دوست ہے جو علم و آگاہی
کے ساتھ نوجوانوں کو مثبت سمت فراہم کرتی ہے۔ انہوں نے زور دیا کہ موجودہ ڈیجیٹل دور کے باوجود کتاب کی اہمیت اور افادیت برقرار ہے،
اور نوجوان نسل کو نصابی تعلیم کے ساتھ ساتھ ادب، سائنس اور سماجی علوم کے وسیع مطالعے سے جوڑنا ان کی شخصیت سازی اور
فکری صلاحیتوں کو نکھارنے کے لیے بے حد ضروری ہے۔
