لاہور (ایجوکیشن رپورٹر) میاں حمزہ شہباز شریف کی خصوصی ہدایات پر وزیر اعظم پاکستان کے کوآرڈینیٹر ماجد
ظہور نے پنجاب یونیورسٹی لاہور کا اہم دورہ کیا۔ اس موقع پر ماجد ظہور کی موجودگی میں پنجاب یونیورسٹی کے
وائس چانسلر اور پنجاب یونیورسٹی ایڈمنسٹریٹو اینڈ ٹیکنیکل اسٹاف ایسوسی ایشن کے صدر چوہدری بشارت محمود
کے درمیان ایک اعلیٰ سطحی اور اہم نشست منعقد ہوئی۔
پنجاب کے تعلیمی اداروں کو 48 گھنٹوں میں بنیادی سہولیات اور طلباء کی تصدیق کا حکم
اس اہم ملاقات کے دوران یونیورسٹی ملازمین کو درپیش انتظامی و معاشی مسائل، طویل عرصے سے التوا کا شکار
رکی ہوئی مراعات کی فوری واگزاری اور دیگر دفتری و فنی امور کے دیرپا حل کے حوالے سے تفصیلی گفتگو کی گئی۔
نشست کے دوران اس امر پر اتفاق کیا گیا کہ ملازمین کے جائز حقوق اور مراعات کی فراہمی کو یقینی بنانے کے لیے
تمام ممکنہ اقدامات کیے جائیں گے تاکہ یونیورسٹی کا انتظامی ڈھانچہ اور تعلیمی ماحول مزید بہتر ہو سکے۔
