لاہور (ایجو کیشن رپورٹر) پنجاب بورڈز کمیٹی آف چیئرمین نے صوبے بھر کے تعلیمی بورڈز کے لیے جماعت نہم اور دہم کے سالانہ امتحانات کی غرض سے آن لائن داخلوں کا باقاعدہ شیڈول جاری کر دیا ہے۔
بورڈز کی جانب سے جاری کردہ شیڈول کے مطابق، تمام متعلقہ تعلیمی اداروں کو ہدایت کی گئی ہے کہ وہ طلباء کے داخلوں کا عمل مقررہ مدت کے اندر بروقت مکمل کریں۔
آن لائن داخلہ فارم اور لیٹ فیس کا شیڈول
سندھ کے 750 سکولوں کا انتظام نجی شعبے کے حوالے کرنے کی منظوری
بغیر لیٹ فیس (پہلا مرحلہ): طلباء 2 نومبر 2026ء سے 23 نومبر 2026ء تک بغیر کسی اضافی یا لیٹ فیس کے اپنے آن لائن داخلہ فارم جمع کروا سکتے ہیں۔
لیٹ فیس کے ساتھ (دوسرا مرحلہ): 24 نومبر سے 7 دسمبر 2026ء تک داخلہ فارم جمع کرانے کی صورت میں 600 روپے فی طالب علم لیٹ فیس لاگو ہوگی۔
لاہور بورڈ کا ہدایت نامہ
سیکرٹری لاہور بورڈ رضوان نذیر نے واضح کیا ہے کہ 7 دسمبر کی مقررہ آخری تاریخ کے بعد کسی بھی طالب علم کا داخلہ فارم وصول نہیں کیا جائے گا۔ انہوں نے تمام طلباء اور تعلیمی اداروں پر زور دیا ہے کہ وہ زحمت سے بچنے کے لیے جاری کردہ شیڈول کے اندر ہی داخلہ فارم جمع کروانے کو یقینی بنائیں۔
