فیصل آباد (ایجوکیشن رپورٹر) ڈپٹی ڈائریکٹر مانیٹرنگ پنجاب نے خاتون ٹیچر کو ہراساں کرنے کے الزام میں مانیٹرنگ
اسسٹنٹ ریاض احمد کو معطل کر کے انکوائری کے احکامات جاری کر دیے۔ گورنمنٹ گرلز پرائمری سکول سنٹرل جیل
جڑانوالہ روڈ کی ٹیچر ملیحہ گوہر نے صوبائی وزیر تعلیم کو دی گئی درخواست میں ہراسگی کا الزام عائد کیا تھا۔
خاتون نے الزام عائد کیا تھا کہ مانیٹرنگ اسسٹنٹ ریاض احمد سکول وزٹ کے دوران اسے بری نظروں سے دیکھتا رہا اور
پھر کہا کہ آپ پیاری لگتی ہیں ملاقات کا ٹائم دیں۔ مانیٹرنگ اسسٹنٹ کے رویے پر جب خاتون ٹیچر نے شور مچایا تو
باقی سٹاف بھی جمع ہو گیا جس پر مانیٹرنگ اسسٹنٹ وہاں سے فرار ہو گیا۔