لاہور/اسلام آباد (نیوز ڈیسک)
حکومت نے آٹھویں جماعت کے بورڈ امتحانات کے لیے رجسٹریشن کے باضابطہ عمل کا اعلان کر دیا ہے۔ جاری کردہ شیڈول کے مطابق طلبہ کی رجسٹریشن کا آغاز 25 مئی سے ہوگا، جبکہ فارم جمع کروانے کی آخری تاریخ 8 جولائی مقرر کی گئی ہے۔
اورنگی ٹاؤن، نشیوں کی سریا نکالنے کی کوشش، سکول کی دیوار گرنے سے 5 افراد جاں بحق
حکام کی جانب سے تمام سرکاری اور نجی اسکولوں کو سختی سے ہدایت کی گئی ہے کہ وہ مقررہ وقت کے اندر اپنے طلبہ کا اندراج لازمی مکمل کریں۔
غلط ڈیٹا پر اسکول انتظامیہ ذمہ دار ہوگی: پیکٹا
پیکٹا کی جانب سے جاری کردہ آفیشل مراسلے میں اسکول سربراہان کو تاکید کی گئی ہے کہ طلبہ کا ڈیٹا فراہم کرتے وقت انتہائی احتیاط سے کام لیا جائے۔ مراسلے کے مطابق:
طلبہ کی تاریخِ پیدائش، والد کا نام اور منتخب کردہ مضامین کی تفصیلات بالکل درست ہونی چاہئیں۔
کسی بھی اسکول کی طرف سے نامکمل یا غلط ڈیٹا بھیجنے کی صورت میں تمام تر ذمہ داری متعلقہ اسکول انتظامیہ پر عائد ہوگی۔
حکام کا کہنا ہے کہ امتحانی عمل میں شفافیت لانے کے لیے ڈیٹا کی درستگی سب سے اہم ہے، اس لیے اس معاملے میں کسی بھی قسم کی غفلت برداشت نہیں کی جائے گی۔
زرعی یونیورسٹی پشاور، بیچلر پروگرام کے داخلہ فارم جمع کرانے کی تاریخ 20 ستمبر تک بڑھا دی گئی
رواں سال 10 لاکھ طلبہ شریک ہوئے، اگلے سال تعداد بڑھانے کا ہدف
اعداد و شمار کے مطابق، رواں سال 2026 میں تقریباً 10 لاکھ طلبہ نے آٹھویں جماعت کے بورڈ
متحانات میں حصہ لیا تھا۔ حکومت نے آئندہ تعلیمی سال کے لیے امیدواروں کی تعداد میں مزید اضافے کی ہدایات جاری کی ہیں۔ حکام کا مؤقف ہے کہ رجسٹریشن کے عمل کو ڈیجیٹل، آسان اور مؤثر بنا کر مزید طلبہ کو امتحانی نیٹ ورک میں شامل کیا جائے گا تاکہ کوئی بھی بچہ امتحان کے حق سے محروم نہ رہے۔
اسکولوں کو ہدایت کی گئی ہے کہ وہ آخری تاریخ کا انتظار کیے بغیر رجسٹریشن کے آغاز کے ساتھ ہی عمل شروع کر دیں تاکہ کسی بھی قسم کی تکنیکی دشواری سے بچا جا سکے۔
