کوئٹہ (ایجو کیشن رپورٹر)
بلوچستان بورڈ آف انٹرمیڈیٹ اینڈ سیکنڈری ایجوکیشن کی ایگزیکٹو باڈی کا 110واں اہم اجلاس چیئرمین بورڈ محمد اسحاق کی زیر صدارت منعقد ہوا۔ اجلاس میں بورڈ کے سیکرٹری سمیت ایگزیکٹو باڈی کے تمام اراکین نے شرکت کی، جس میں تعلیمی امور اور سابقہ 109ویں اجلاس کی کارروائی کی باقاعدہ توثیق کی گئی۔
نمبروں میں ردوبدل اور انکوائری رپورٹ کا تفصیلی جائزہ
اجلاس کے دوران تعلیمی شفافیت اور امتحانی نظام میں مبینہ بے قاعدگیوں سے متعلق اہم کیسز پر غور کیا گیا
ایچ ایس ایس سی 2024 کیس: انٹرمیڈیٹ (HSSC) 2024 کے امتحانات کے 34 امیدواروں کے نمبروں میں مبینہ طور پر کیے جانے والے اضافے سے متعلق انکوائری کا تفصیلی جائزہ لیا گیا۔
کوہاٹ بورڈ انٹرمیڈیٹ نتائج 2026، ہدیہ طارق نے 1142 نمبرز کے ساتھ ٹاپ کر لیا
2021 تا 2025 کے داخلہ کیسز: تعلیمی دستاویزات میں مبینہ ردوبدل اور 2021 سے 2025 کے دوران مختلف پیشہ ورانہ جامعات (Universities) و کالجز میں داخلہ حاصل کرنے والے طلبہ و طالبات کے نمبروں سے متعلق جاری انکوائری اور آڈٹ کے معاملے پر بھی اہم پیشرفت کا جائزہ لیا گیا۔
اجلاس کے اراکین اور ریٹائرڈ پروفیسر کو خراج تحسین
اجلاس میں ڈپٹی سیکرٹری کالجز ارشاد احمد، سینڈمین بوائز ہائر سیکنڈری اسکول کے پرنسپل مومن خان، جوائنٹ ڈائریکٹر اسکولز ریاض احمد بھنگر، اور ڈپٹی سیکرٹری بجٹ محمد اسماعیل مینگل سمیت دیگر متعلقہ حکام نے شرکت کی۔
اجلاس کے اختتام پر تعلیمی شعبے میں طویل اور شاندار خدمات کے اعتراف میں ریٹائر ہونے والے پروفیسر عبدالرشید کو یادگاری تحفہ پیش کیا گیا اور ان کی کاوشوں کو سراہا گیا۔
