بنوں (سپيشل رپورٹر)بورڈ آف انٹرمیڈیٹ اینڈ سیکنڈری ایجوکیشن بنوں کے حالیہ انٹرمیڈیٹ سالانہ امتحانات 2026ء کے نتائج پر تعلیمی اور عوامی حلقوں نے شدید شک و شبہات کا اظہار کیا ہے۔ کنٹرولر امتحانات کی جانب سے جاری کردہ پریس ریلیز اور ٹاپ پوزیشن ہولڈرز کے آن لائن فلائر میں 1200 میں سے 1101 نمبر حاصل کرنے والی صرف دو طالبات، حورعین عصمت اور شاندانہ خان، کو مشترکہ طور پر تیسری پوزیشن کا حامل ظاہر کیا گیا تھا
آن لائن رزلٹ میں انکشاف
تاہم بورڈ کی آن لائن ویب سائٹ پر رزلٹ چیک کرنے پر انکشاف ہوا ہے کہ "صادق پبلک ہائی سکول میرعلی” کی طالبہ فرحت صدیق دختر صدیق اللہ (رول نمبر 404174) نے بھی 1101 نمبرات حاصل کیے ہیں۔ اس کے باوجود بورڈ کی جانب سے جاری کردہ پوزیشن ہولڈرز کی فہرست میں اس کا نام شامل نہیں کیا گیا
اوکاڑہ یونیورسٹی خاتون پروفیسر ہراسانی کیس، وائس چانسلر اور پی ار او 3 نوٹسز کے بعد عدالت میں پیش
۔ واضح رہے کہ مذکورہ طالبہ نے فرسٹ ایئر کے سالانہ امتحانات 2025ء میں بھی 600 میں سے 512 نمبر حاصل کیے تھے
عوامی و تعلیمی حلقوں کا ردِعملمساوی نمبر حاصل کرنے کے باوجود طالبہ کا نام ٹاپ پوزیشن ہولڈرز کے اعلامیے اور پوسٹر سے غائب ہونے پر عوامی و تعلیمی حلقوں نے شدید تشویش کا اظہار کیا ہے۔ انہوں نے بنوں بورڈ کے حکام سے مطالبہ کیا ہے کہ اس مبینہ غفلت کا فوری نوٹس لے کر حقیقت واضح کی جائے اور متاثرہ طالبہ کا حق بحال کیا جائے
