University of Peshawar
یونیورسٹی انتظامیہ کی جانب سے فنڈز کے لیے صوبائی حکومت سے رابطے؛ ملازمین کا بحران کے مستقل حل کا مطالبہ
پشاور (نامہ نگار): جامعہ پشاور ایک بار پھر شدید مالی بحران کی لپیٹ میں آگئی ہے، جس کے باعث رمضان المبارک کے مقدس مہینے میں بھی سینکڑوں ملازمین اور پنشنرز اپنی تنخواہوں اور واجبات سے محروم ہیں۔ مارچ کے پہلے ہفتے کے اختتام کے باوجود تنخواہیں جاری نہ ہونے سے ملازمین شدید ذہنی تشویش اور گھریلو اخراجات پورے کرنے میں سخت مشکلات کا سامنا کر رہے ہیں۔
جامعہ پشاور کے ذرائع کے مطابق، ادارے کو ہر ماہ تنخواہوں اور پنشن کی ادائیگی میں مالی مشکلات کا سامنا رہتا ہے، تاہم رمضان المبارک میں اضافی اخراجات کے باعث صورتحال مزید سنگین ہو گئی ہے۔ یونیورسٹی انتظامیہ کا کہنا ہے کہ وہ اس مسئلے کے حل کے لیے مسلسل کوششیں کر رہی ہے اور جلد صوبائی حکومت سے فنڈز حاصل کرنے کی امید ہے تاکہ ملازمین کو تنخواہوں کی بروقت فراہمی یقینی بنائی جا سکے۔
دوسری جانب، جامعہ کے ملازمین نے حکومت اور یونیورسٹی انتظامیہ سے مطالبہ کیا ہے کہ مالی بحران پر قابو پانے کے لیے ہنگامی بنیادوں پر اقدامات کیے جائیں۔ ملازمین کا کہنا ہے کہ تنخواہوں کی ادائیگی میں تاخیر کا مستقل حل نکالا جائے تاکہ انہیں ہر ماہ اس طرح کی غیر یقینی صورتحال کا سامنا نہ کرنا پڑے۔
ملک کی تعلیمی تاریخ میں پہلا بڑا قدم: پرائمری سطح پر آرٹیفیشل انٹیلی جنس لازمی…
محکمہ ہائر ایجوکیشن پنجاب میں اثر و رسوخ اور اقربا پروری کا راج؛ ڈیپوٹیشن اور…
پشاور (نیوز رپورٹر) یونیورسٹی آف پشاور نے ڈپلوما، سرٹیفکیٹ اور مختلف پروگراموں میں زیرِ تعلیم…
اسلام آباد (تعلیمی رپورٹر) قائد اعظم یونیورسٹی اسلام آباد میں مستقل وائس چانسلر کی طویل…
پشاور (نیوز رپورٹر) ایلیمنٹری اینڈ سیکنڈری ایجوکیشن نے صوبہ بھر کے تمام سرکاری اسکولوں کے…
لاہور (خصوصی رپورٹر) محکمہ خصوصی تعلیم (اسپیشل ایجوکیشن) پنجاب نے حکومت کے فلیگ شپ "ہمت…