جامعہ کراچی کا فزیکل کلاسز دوبارہ شروع کرنے کا اعلان، ہفتے میں دو دن تدریس ہوگی
کراچی (تعلیمی رپورٹر) جامعہ کراچی نے طالب علموں کے لیے خوشخبری سناتے ہوئے جمعرات (2 اپریل 2026) سے فزیکل کلاسز کے باقاعدہ دوبارہ آغاز کا اعلان کر دیا ہے۔ یونیورسٹی انتظامیہ کی جانب سے جاری کردہ اعلامیے کے مطابق، فی الحال تمام شعبہ جات میں فزیکل کلاسز ہفتے میں صرف دو دن یعنی پیر اور جمعرات کو منعقد کی جائیں گی۔
اوقاتِ کار اور شفٹ شیڈول: انتظامیہ نے مارننگ اور ایوننگ شفٹوں کے لیے اوقاتِ کار کی تفصیلات بھی جاری کر دی ہیں:
- مارننگ شفٹ: صبح 9 بجے سے شام 5 بجے تک کلاسز ہوں گی۔
- ایوننگ شفٹ: سہ پہر 3:30 بجے سے رات 9 بجے تک تدریسی عمل جاری رہے گا۔
اعلامیے میں تمام شعبہ جات کے سربراہان کو سختی سے ہدایت کی گئی ہے کہ وہ نئے جاری کردہ شیڈول پر عمل درآمد کو یقینی بنائیں۔ واضح رہے کہ فزیکل کلاسز کی بحالی کا فیصلہ طلبہ کی تعلیمی ضروریات کو مدنظر رکھتے ہوئے کیا گیا ہے تاکہ تدریسی تعطل کو ختم کیا جا سکے۔
