حیدرآباد (نمائندہ حصوصی) پرائمری سکول ٹیچرز ایسوسی ایشن (پی ٹی الف) سندھ نے اساتذہ کے درپیش مسائل کا
نوٹس نہ لیے جانے کے خلاف 4 نومبر کو وزیراعلیٰ ہاؤس کراچی کے سامنے احتجاجی دھرنا دینے کا باضابطہ اعلان کر دیا ہے۔
پریس کانفرس کرتے ہوئے پی ٹی الف کے مرکزی صدر غلام رسول مہر اور جنرل سیکریٹری اعجاز علی چانڈیو نے کہا کہ
تنظیم اپنے جائز مطالبات کی منظوری کے لیے مسلسل سراپا احتجاج ہے، لیکن سندھ حکومت اور محکمہ تعلیم کی
سندھ ہائی کورٹ کا واجبات کی عدم ادائیگی پر برہمی کا اظہار وفاقی اردو یونیورسٹی کے وائس چانسلر طلب
جانب سے اب تک کوئی عملی قدم نہیں اٹھایا گیا۔
انہوں نے نشاندہی کی کہ ایم اے اور ایم ایڈ کی اعلیٰ ڈگریاں رکھنے والے اور ایچ ایس ٹی کی ترقی کے لیے مکمل اہل
اساتذہ 30 سال گزرنے کے باوجود ترقیوں سے محروم ہیں۔ غلام رسول مہر نے سروس اسٹرکچر کی بحالی، تمام معطل
ترقیاں دینے اور درپیش دیگر انتظامی مسائل کے فوری حل کا مطالبہ کیا۔
انہوں نے واضح کیا کہ اگر مطالبات فوری تسلیم نہ کیے گئے تو 4 نومبر کو سندھ بھر کے پرائمری اساتذہ وزیراعلیٰ
ہاؤس کراچی کے سامنے دھرنا دیں گے۔
