ثانوی تعلیمی بورڈ کراچی نے جماعت دہم کے طلبہ کے لیے اہم اعلان کردیا۔
دہم جماعت کے آن لائن سالانہ امتحانی فارم جمع کرانے کی تاریخ میں توسیع کردی، امتحانی فارم 13 فروری تک بغیر لیٹ فیس جمع کرائے جا سکیں گے۔
سائنس اور جنرل گروپ کے ریگولر و پرائیویٹ طلبہ کے لیے ایک اور سہولت یہ کی گئی ہے کہ گورنمنٹ اسکول بغیر کسی فیس کے امتحانی فارم جمع کرا سکیں گے۔
چیئرمین بورڈ غلام حسین سوہو کی خصوصی ہدایت پر فیصلہ جاری کیا گیا۔ بورڈ حکام کے مطابق اب امتحانی فارم کی تاریخ میں مزید توسیع نہیں ہوگی۔ 16 سے 20 فروری تک 500 روپے لیٹ فیس کے ساتھ فارم جمع ہوں گے۔ 23 سے 27 فروری تک 800 روپے لیٹ فیس مقرر کی گئی ہے۔ 2 سے 5 مارچ تک 1200 روپے، 6 سے 11 مارچ تک 1500 روپے لیٹ فیس لی جائے گی۔ اس کے علاوہ 12 سے 17 مارچ تک 1800 روپے جبکہ آخری تاریخ کے بعد 2500 روپے لیٹ فیس مقرر کی گئی ہے