ملتان (ایجوکیشن رپورٹر) محمد نواز شریف زرعی یونیورسٹی ملتان میں پھل کی مکھی اور گلابی سنڈی سمیت اہم زرعی کیڑوں کی بروقت
شناخت، مؤثر نگرانی اور قبل از وقت وارننگ کے لیے مصنوعی ذہانت اے آئی پر مبنی سمارٹ ٹریپ سسٹم قائم کرنے کے حوالے سے مشاورتی اجلاس منعقد ہوا۔
اجلاس کی صدارت کرتے ہوئے وائس چانسلر پروفیسر ڈاکٹر آصف علی نے کہا کہ جدید زراعت میں کیڑوں کے حملے سے قبل پیشگی مانیٹرنگ اور
بروقت فیصلہ سازی وقت کی اہم ضرورت ہے، اور یونیورسٹی نجی و سرکاری اداروں کے تعاون سے اس ڈیجیٹل ٹیکنالوجی کو عملی شکل دینے کے لیے کوشاں ہے۔
اجلاس میں پروفیسر ڈاکٹر عائشہ حکیم نے بتایا کہ اے آئی سمارٹ ٹریپ کے ذریعے کیڑوں کی سرگرمی کا مسلسل ڈیٹا حاصل کیا جا سکے گا
جس سے ممکنہ ہاٹ اسپاٹس کی نشاندہی آسان ہوگی۔ ڈی جی پیسٹ وارننگ پنجاب غلام رسول اور ڈاکٹر نعیم اقبال نے بھی ٹیکنالوجی کے
ذریعے کاشتکاروں کو بروقت معلومات فراہم کرنے اور زرعی مسائل کے حل پر زور دیا۔
