سی ایس ایس امتحان 2025 کےنتائج کا اعلان, کامیابی کی شرح صرف 2.67 فیصد رہی،خواتین مردوں سے بازی لے گیں

اسلام آباد (نیوز ڈیسک) فیڈرل پبلک سروس کمیشن نے سی ایس ایس امتحان 2025 کے حتمی نتائج جاری کر دیے ہیں۔ نتائج کے مطابق اس سال بھی کامیابی کا تناسب انتہائی کم رہا اور مجموعی طور پر صرف 2.67 فیصد امیدوار ہی منزل مقصود تک پہنچنے میں کامیاب ہو سکے۔

نتائج کے اہم اعداد و شمار

• شرکاء کی تعداد: 12,792 امیدواروں نے تحریری امتحان میں شرکت کی۔
• تحریری امتحان میں کامیابی: صرف 355 امیدوار تحریری امتحان پاس کر سکے۔
• حتمی تقرریاں: ایف پی ایس سی کی جانب سے 170 امیدواروں کی مختلف گروپس میں تقرری کی سفارش کی گئی ہے۔
• صنفی تناسب: کامیاب ہونے والوں میں 84 مرد اور 86 خواتین شامل ہیں۔

نمایاں پوزیشن ہولڈرز

امتحان میں پہلی تین پوزیشنز حاصل کرنے والے امیدوار درج ذیل ہیں:

1. اسد رفیق (پہلی پوزیشن)
2. محمد محسن (دوسری پوزیشن)
3. طارق حفیظ (تیسری پوزیشن)

گروپس کی تقسیم اور علاقائی تناسب

• ایلوکیشن: ٹاپ 30 پوزیشن ہولڈرز کی اکثریت کو پاکستان ایڈمنسٹریٹو سروس (PAS) اور پولیس سروس (PSP) الاٹ کی گئی ہے۔ دلچسپ بات یہ ہے کہ ٹاپ 30 میں شامل کوئی بھی امیدوار فارن سروس میں جگہ نہیں بنا سکا۔
• علاقائی نمائندگی: ٹاپ 30 پوزیشن ہولڈرز میں پنجاب کا پلڑا بھاری رہا جہاں سے 23 امیدوار شامل ہیں۔ اس کے علاوہ بلوچستان سے 3، جبکہ سندھ اور خیبر پختونخوا سے 2، 2 امیدوار ٹاپ 30 کی فہرست میں جگہ بنانے میں کامیاب رہے۔