غازی یونیورسٹی میں ہفتہ رحمۃ اللعالمینؐ کا آغاز، حسنِ قرأت و نعت کے مقابلے
طلباء نے نعتیں پیش کیں، مقررین کا سیرتِ طیبہ کے پیغامِ امن، عدل اور محبت کو عام کرنے پر زور
ڈیرہ غازی خان (بیورو رپورٹ)
غازی یونیورسٹی ڈیرہ غازی خان میں ہفتہ رحمۃ اللعالمینؐ کی تقریبات کا باقاعدہ آغاز کر دیا گیا ہے۔ سینئر ٹیوٹر آفس کے زیرِ اہتمام منعقدہ تقریبات کے پہلے روز مقابلہ حسنِ قرأت و نعتِ رسولِ مقبولؐ کا انعقاد کیا گیا جس میں یونیورسٹی کے فیکلٹی ممبران، اسٹاف اور مختلف تدریسی شعبہ جات کے طلباء و طالبات نے بھرپور شرکت کی۔
مقابلہ قرأت و نعت کی نگرانی کنوینر ڈاکٹر طاہرہ بتول قیصرانی نے کی جبکہ منصفین کے فرائض ڈاکٹر جویریہ شیرانی، ڈاکٹر عدیلہ اور فرحان گیلانی نے انجام دیے۔ مقابلہ نعت خوانی میں طلباء نے عقیدت و محبت کے جذبات سے سرشار ہو کر بارگاہِ رسالت مآبؐ میں نذرانہ عقیدت پیش کیا۔ اس موقع پر سینئر ٹیوٹر ڈاکٹر محمد ابراہیم نے بھی خوبصورت نعت پیش کی۔
تقریب سے خطاب کرتے ہوئے کنوینر ڈاکٹر طاہرہ بتول قیصرانی نے کہا کہ عشرہ رحمۃ اللعالمین ہمیں اس حقیقت کی یاد دہانی کراتا ہے کہ اللہ تعالیٰ نے حضرت محمد مصطفیٰؐ کو تمام جہانوں کے لیے رحمت بنا کر مبعوث فرمایا۔ ڈاکٹر محمد ابراہیم نے کہا کہ ہمیں اپنی زندگیوں کو سیرتِ طیبہ کے مطابق ڈھالنا چاہیے۔
تقریب کے اختتام پر حسنِ قرأت اور نعت خوانی کے مقابلوں میں نمایاں پوزیشن حاصل کرنے والے طلباء و طالبات میں تعریفی اسناد تقسیم کی گئیں۔
پشاور (سپیشل رپورٹر) خیبر پختونخوا کے محکمہ آرکائیوز اینڈ لائبریریز کے چیف لائبریرین ڈاکٹر محمد…
خانیوال(نمائندہ خصوصی ) پبلک سکول اینڈ یونیورسٹی کالج میں سائیکلنگ مقابلےسائیکلنگ بچوں کی جسمانی صحت،…
تربت (نمائندہ حصوصی) گورنمنٹ گرلز ماڈل ہائی سکول تربت کی طالبات نے ریڈیو پاکستان تربت…
کوئٹہ (نمائندہ حصوصی) بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز نے اپنے سکول…
مالاکنڈ (نمائندہ حصوصی) کمشنر مالاکنڈ ڈویژن اقبال حسین باچا نے محکمہ تعلیم اور صحت میں…
ڈیرہ اسماعیل خان (نمایندہ اردہ تعلیم ڈاٹ کام) تعلیمی اداروں میں تدریسی و غیر تدریسی…