Categories: بریکنگ نیوز

غیر رجسٹرڈ نجی تعلیمی اداروں کے خلاف کریک ڈاؤن،تعلیمی بورڈز کو کاروائی کا حکم

  • بورڈز کو کارروائی کا حکم، وابستگی ختم کرنے سے قبل متعلقہ بورڈ تین ماہ کا نوٹس جاری کرے گا
  • احکامات فوری طور پر نافذ العمل، تمام بورڈز کو ان پر سختی اور مقررہ وقت کے اندر عمل درآمد کیعمل درآمد یقینی بنانے کی ہدایت کی گئی ہے۔

پشاور (ایجو کیشن رپورٹر) خیبر پختونخوا حکومت نے صوبے بھر میں ان نجی تعلیمی اداروں کے خلاف سخت کریک ڈاؤن کا فیصلہ کیا ہے جو خیبر پختونخوا پرائیویٹ سکولز ریگولیٹری اتھارٹی کے ساتھ رجسٹرڈ نہیں ہیں۔

محکمہ ابتدائی و ثانوی تعلیم کی جانب سے جاری کردہ ایک اعلامیے کے مطابق، وزیر اعلیٰ خیبر پختونخوا کی خصوصی ہدایت پر تمام تعلیمی بورڈز (بورڈز آف انٹرمیڈیٹ اینڈ سیکنڈری ایجوکیشن) کو ایسے غیر رجسٹرڈ اداروں کے خلاف قانونی کارروائی شروع کرنے کا حکم دیا گیا ہے۔ بورڈز کے چیئرمینز کو واضح ہدایات جاری کی گئی ہیں کہ وہ ان اداروں کی وابستگی (افیلی ایشن) ختم کرنے کا عمل شروع کریں۔

اعلامیے میں اس بات پر زور دیا گیا ہے کہ کسی بھی تعلیمی ادارے کی وابستگی ختم کرنے سے قبل متعلقہ بورڈ اسے تین ماہ کا نوٹس جاری کرنے کا پابند ہوگا۔ اس نوٹس کا مقصد نجی اداروں کو ایک موقع فراہم کرنا ہے کہ وہ اس مقررہ مدت کے اندر اپنی لازمی رجسٹریشن مکمل کروا سکیں۔ اگر کوئی ادارہ تین ماہ کے نوٹس کے باوجود رجسٹریشن نہیں کرواتا، تو قانون کے مطابق فوری طور پر اس کی افیلی ایشن ختم کر دی جائے گی۔

محکمہ نے تمام تعلیمی بورڈز کو یہ ہدایت بھی کی ہے کہ وہ نوٹس کی مقررہ مدت ختم ہونے کے بعد ایک جامع عملدرآمد رپورٹ محکمہ ابتدائی و ثانوی تعلیم کو جمع کروائیں۔ اس رپورٹ میں رجسٹریشن حاصل کرنے والے اداروں اور ان اداروں کی تفصیلات شامل ہوں گی جن کے خلاف ڈی افیلی ایشن کی کارروائی عمل میں لائی گئی ہے۔

محکمے نے واضح کیا ہے کہ یہ احکامات فوری طور پر نافذ العمل ہیں اور تمام بورڈز کو ان پر سختی سے عمل درآمد یقینی بنانے کی ہدایت کی گئی ہے۔

urdutaleem@gmail.com

Recent Posts

پنجاب یونیورسٹی،شراب کی بوتلیں برآمد خاتون سمیت تین گرفتار

لاہور(ایجو کیشن رپورٹر) لاہور میں پنجاب یونیورسٹی کی سیکیورٹی نے نیو کیمپس کے گیٹ نمبر…

15 گھنٹے ago

اب پرچے امتحانی مراکز پر ہی پرنٹ ہوں گے،فیڈرل بورڈ نے سسٹم متعارف کرا دیا

اسلام آباد (ایجوکیشن رپورٹر) فیڈرل بورڈ آف انٹرمیڈیٹ اینڈ سیکنڈری ایجوکیشن (ایف بی آئی ایس…

21 گھنٹے ago

پنجاب, سرکاری سکولوں کے اساتذہ کے لیے نیا ڈریس کوڈ جاری, جینز، ہیل والی جوتیوں اور سن گلاسز کے استعمال پر پابندی

لاہور (ایجوکیشن رپورٹر) پنجاب کے سرکاری سکولوں کے اساتذہ کیلئے نیا ڈریس کوڈ جاری کردیا…

23 گھنٹے ago

متروکہ وقف املاک بورڈ, 200 ہندو اور سکھ طلبہ کو ماہانہ سکالرشپس دینے کی منظوری

اسلام آباد (ایجوکیشن رپورٹر) متروکہ وقف املاک بورڈ نے ٹرسٹ پراپرٹیز کی جیو ٹیگنگ کا…

23 گھنٹے ago

سندھ کے سرکاری کالجوں میں جعلی حاضریوں کا انکشاف، ملوث پرنسپلز اور عملے کے خلاف کارروائی کا حکم

کراچی (ایجوکیشن رپورٹر) سندھ کے سرکاری کالجوں میں جعلی حاضریوں کا انکشاف ہوا ہے، محکمہ…

23 گھنٹے ago

صوبے کی تمام سرکاری یونیورسٹیوں کو کامیابی کے ساتھ مالی بحران سے نکال لیا، گورنر بلوچستان

کوئٹہ (ایجوکیشن رپورٹر) گورنر بلوچستان جعفر خان مندوخیل نے اعلان کیا ہے کہ سردار بہادر…

23 گھنٹے ago