فاطمہ جناح ویمن یونیورسٹی میں ورلڈ پولیو ڈے کے سلسلے میں تقریب

راولپنڈی(ایجو کیشن رپورٹر)فاطمہ جناح ویمن یونیورسٹی میں ورلڈ پولیو ڈے کے سلسلے میں خصوصی تقریب کا انعقاد کیا گیا جس میں طلبہ اور ڈے کیئر بچوں نے فن پاروں کے ذریعے فرنٹ لائن پولیو ورکرز کی خدمات کو خراج تحسین پیش کیا اور پاکستان کو پولیو سے پاک بنانے کے عزم کا اظہار کیا۔منگل کو منعقدہ تقریب میں محکمہ صحت کے حکام، یونیورسٹی انتظامیہ، طلبہ اور ڈے کیئر بچوں نے شرکت کی۔

تقریب کا موضوع ’’شکریہ فرنٹ لائن ورکرز‘‘ تھا جس کا مقصد بچوں کو پولیو سے محفوظ رکھنے کے لیے گھر گھر جا کر ویکسین پلانے والے کارکنوں کی خدمات کو اجاگر کرنا تھا۔وزیراعلیٰ پنجاب کی فوکل پرسن برائے پولیو عظمٰی کاردار نے فرنٹ لائن ورکرز کی لگن اور ثابت قدمی کو سراہتے ہوئے کہا کہ ان کی محنت، والدین کے اعتماد اور کمیونٹی کے تعاون سے ہر بچے کو پولیو سے محفوظ بنانے میں مدد ملتی ہے۔

ادبی تخلیقات میں مقامی روایات،معاشرتی اقدار اور عوامی مسائل کو اجاگر کرنے کی ضرورت ہے۔ڈاکٹر اکرام اللہ

پنجاب انسداد پولیو پروگرام کے سربراہ خالد پرویز نے مسلسل نگرانی، موثر ویکسینیشن مہمات اور کمیونٹی کی شمولیت کی اہمیت پر زور دیتے ہوئے کہا کہ پولیو وائرس کی دوبارہ منتقلی روکنے کے لیے ہر مہم کے دوران پانچ سال سے کم عمر ہر بچے کو پولیو سے بچاو کے قطرے پلانا ضروری ہے۔

انہوں نے بتایا کہ پنجاب کے 11 منتخب اضلاع میں 2 سے 8 نومبر تک انسداد پولیو مہم چلائی جائے گی اور والدین سے اپیل کی کہ وہ اپنے پانچ سال سے کم عمر تمام بچوں کو پولیو سے بچاؤ کے قطرے ضرور پلوائیں۔فاطمہ جناح ویمن یونیورسٹی کی وائس چانسلر پروفیسر بشریٰ مرزا نے والدین اور کمیونٹی میں آگاہی پیدا کرنے میں تعلیمی اداروں اور نوجوانوں کے کردار کو اہم قرار دیتے ہوئے

طلبہ کی تخلیقی سرگرمیوں کو سراہا۔سربراہ محکمہ صحت راولپنڈی ڈاکٹر احسان غنی نے کہا کہ پولیو کا خاتمہ محکمہ صحت، فرنٹ لائن ورکرز، والدین، تعلیمی اداروں اور کمیونٹی کے مشترکہ تعاون سے ہی ممکن ہے۔

انہوں نے بچوں کو عمر بھر کی معذوری سے محفوظ رکھنے کے لیے ویکسینیشن اور اجتماعی ذمہ داری کی اہمیت پر بھی زور دیا۔تقریب کے اختتام پر طلبہ نے والدین میں آگاہی پیدا کرنے، پولیو ویکسینیشن کی اہمیت اجاگر کرنے اور پاکستان سے پولیو کے خاتمے کی کوششوں میں اپنا کردار ادا کرنے کے عزم کا اظہار کیا۔

urdutaleem@gmail.com

Recent Posts

پنجاب یونیورسٹی،شراب کی بوتلیں برآمد خاتون سمیت تین گرفتار

لاہور(ایجو کیشن رپورٹر) لاہور میں پنجاب یونیورسٹی کی سیکیورٹی نے نیو کیمپس کے گیٹ نمبر…

13 گھنٹے ago

اب پرچے امتحانی مراکز پر ہی پرنٹ ہوں گے،فیڈرل بورڈ نے سسٹم متعارف کرا دیا

اسلام آباد (ایجوکیشن رپورٹر) فیڈرل بورڈ آف انٹرمیڈیٹ اینڈ سیکنڈری ایجوکیشن (ایف بی آئی ایس…

18 گھنٹے ago

پنجاب, سرکاری سکولوں کے اساتذہ کے لیے نیا ڈریس کوڈ جاری, جینز، ہیل والی جوتیوں اور سن گلاسز کے استعمال پر پابندی

لاہور (ایجوکیشن رپورٹر) پنجاب کے سرکاری سکولوں کے اساتذہ کیلئے نیا ڈریس کوڈ جاری کردیا…

20 گھنٹے ago

متروکہ وقف املاک بورڈ, 200 ہندو اور سکھ طلبہ کو ماہانہ سکالرشپس دینے کی منظوری

اسلام آباد (ایجوکیشن رپورٹر) متروکہ وقف املاک بورڈ نے ٹرسٹ پراپرٹیز کی جیو ٹیگنگ کا…

20 گھنٹے ago

سندھ کے سرکاری کالجوں میں جعلی حاضریوں کا انکشاف، ملوث پرنسپلز اور عملے کے خلاف کارروائی کا حکم

کراچی (ایجوکیشن رپورٹر) سندھ کے سرکاری کالجوں میں جعلی حاضریوں کا انکشاف ہوا ہے، محکمہ…

21 گھنٹے ago

صوبے کی تمام سرکاری یونیورسٹیوں کو کامیابی کے ساتھ مالی بحران سے نکال لیا، گورنر بلوچستان

کوئٹہ (ایجوکیشن رپورٹر) گورنر بلوچستان جعفر خان مندوخیل نے اعلان کیا ہے کہ سردار بہادر…

21 گھنٹے ago