فیصل آباد بورڈ, جماعت نہم کے رزلٹ کارڈز آن لائن کر دیے گئے

فیصل آباد (ایجوکیشن رپورٹر) بورڈ آف انٹرمیڈیٹ اینڈ سیکنڈری ایجوکیشن فیصل آباد نے چیئرمین بورڈ پروفیسر ڈاکٹر

رانا نیاز احمد کی ہدایت پر امتحان میٹرک جماعت نہم (فرسٹ اینول) 2026ء کے رزلٹ کارڈز کنٹرولر امتحانات تعلیمی

بورڈ فیصل آباد کی تصدیق کے بعد طلباء و طالبات کو بذریعہ ڈاک بھجوانے کے بجائے آن لائن کر دیے ہیں۔ اس اقدام

کا مقصد طلباء و طالبات کو سہولت فراہم کرنا اور رزلٹ کارڈز کی بروقت فراہمی کو یقینی بنانا ہے۔

سرکاری سکولوں کی نجکاری، چوتھے فیز کی منظوری

کنٹرولر امتحانات تعلیمی بورڈ فیصل آباد پروفیسر رانا عتیق الرحمن کے مطابق میٹرک جماعت نہم فرسٹ اینول

 رزلٹ کارڈز آن لائن کیے جا چکے ہیں، تاہم دفتری معلومات کے مطابق تقریباً 1300 تعلیمی اداروں اور 30

ہزار پرائیویٹ طلباء و طالبات نے تا حال اپنے رزلٹ کارڈز بورڈ کی ویب سائٹ سے ڈاؤن لوڈ نہیں کیے۔ انہوں نے تمام

گورنمنٹ اور پرائیویٹ اسکولوں کے سربراہان کو مطلع کیا ہے کہ وہ متعلقہ طلباء و طالبات کے رزلٹ کارڈز اپنے پورٹل

اور پرائیویٹ طلباء و طالبات بورڈ کی ویب سائٹ www.bisefsd.edu.pk سے ڈاؤن لوڈ کر کے پرنٹ حاصل کر سکتے ہیں۔