Quaid e Azam University islamabad
لاہور (خصوصی رپورٹر) پنجاب کے دارالحکومت میں اعلیٰ تعلیم کے فروغ کے لیے ایک بڑے منصوبے کا آغاز کر دیا گیا ہے، جس کے تحت اسلام آباد کی معروف قائد اعظم یونیورسٹی کا سب کیمپس لاہور میں قائم کیا جائے گا۔ حکومت نے شرقپور روڈ پر واقع 53 ایکڑ پر محیط وسیع و عریض اراضی قائد اعظم یونیورسٹی کو منتقل کرنے کا حتمی فیصلہ کر لیا ہے۔
تفصیلات کے مطابق مذکورہ اراضی اس سے قبل محکمہ تعلیم (سکولز) پنجاب کے پاس تھی، جسے ایک جدید کیڈٹ کالج کی تعمیر کے لیے مختص کیا گیا تھا۔ تاہم سالہا سال گزرنے کے باوجود انتظامی و مالی وجوہات کی بنا پر کیڈٹ کالج کا منصوبہ پایہ تکمیل تک نہ پہنچ سکا، جس کے باعث یہ قیمتی زمین غیر آباد پڑی تھی۔ موجودہ تعلیمی ضروریات کو مدنظر رکھتے ہوئے حکومت نے فیصلہ کیا ہے کہ اس جگہ کو ملک کی ٹاپ رینکنگ یونیورسٹی کے کیمپس کے لیے استعمال کیا جائے تاکہ لاہور اور بالخصوص ملحقہ علاقوں کے طلبہ کو بین الاقوامی معیار کی تعلیم میسر آ سکے۔
ذرائع کے مطابق محکمہ تعلیم پنجاب نے زمین کی واگزاری اور اسے قائد اعظم یونیورسٹی کے نام منتقل کرنے کے لیے قانونی و انتظامی کارروائی کا آغاز کر دیا ہے۔ لاہور کیمپس کے قیام سے نہ صرف پنجاب کے طلبہ کے لیے وفاقی یونیورسٹی تک رسائی آسان ہو جائے گی بلکہ شرقپور روڈ اور گردونواح کے علاقوں میں تعلیمی و معاشی سرگرمیوں میں بھی اضافہ ہو گا۔ یونیورسٹی انتظامیہ کا کہنا ہے کہ زمین کا قبضہ ملتے ہی کیمپس کی بلڈنگ اور دیگر انفراسٹرکچر پر کام شروع کر دیا جائے گا، جہاں مختلف جدید شعبہ جات میں ڈگری پروگرامز متعارف کرائے جائیں گے۔
ملتان (ایجو کیشن رپورٹر رپورٹر) صوبائی محتسب پنجاب نے ایمرسن یونیورسٹی ملتان کے وائس چانسلر…
پاکپتن(نامہ نگار) اینٹی کرپشن پنجاب نے کارروائی کرتے ہوئے محکمہ تعلیم (ایجوکیشن ڈیپارٹمنٹ) پاکپتن کے اسسٹنٹ…
اسلام آباد(سپیشل رپورٹر) ہائیر ایجوکیشن کمیشن کی اعلیٰ سطح کمیٹی نے وفاقی اردو یونیورسٹی کو…
کراچی (مانیٹرنگ ڈیسک)کراچی میں اعلیٰ تعلیم کے شعبے میں ایک نیا اور اہم باب رقم…
اسلام آباد (مانیٹرنگ ڈیسک) اقوام متحدہ کے سیکرٹری جنرل انتونیو گوتریش نے تمام متخارب فریقوں سے…
کراچی (کرائم رپورٹر) روشنیوں کے شہر کراچی کے علاقے اورنگی ٹاؤن (سیکٹر 11 ایل بلاک) مومن…