مظفرآباد(نمائندہ خصوصی) سکول وین دریائے نیلم میں جا گری، 4 بچے جاں بحق، 3 بچوں سمیت 4 افراد زخمی ہو گئے ہیں مظفرآباد میں وادی نیلم میں ننگر گھوڑے نکہ کے قریب ایک افسوسناک حادثہ پیش آیا ہے، جہاں اسکول کے بچوں کو لے جانے والی وین بے قابو ہو کر دریائے نیلم میں جا گری.
تعلیمی بورڈ لاہور، 11ویں کے نتائج کے ساتھ میٹرک اور انٹر کے پیپرز کو ڈیجیٹلائز کرنے کا اعلان
پولیس اور ریسکیو ذرائع کے مطابق حادثے کے نتیجے میں 4 بچے جاں بحق ہو گئے ہیں، جن میں تین سگے بھائی بھی شامل ہیں. اس حادثے میں 3 بچوں سمیت 4 افراد زخمی بھی ہوئے ہیں جن میں ڈرائیور بھی شامل ہے.
واقعے کی اطلاع ملتے ہی ریسکیو اہلکاروں نے فوری طور پر موقع پر پہنچ کر لاشوں اور زخمیوں کو دریا سے نکالا اور مقامی اسپتال منتقل کر دیا.
ریسکیو حکام کا کہنا ہے کہ حادثے کا شکار ہونے والے تمام افراد کا تعلق ایک ہی خاندان سے ہے. یہ بدقسمت گاڑی بچوں کو لے کر اسکول جا رہی تھی کہ اس دلخراش حادثے کا شکار ہو گئی.
