میٹرک کےنتائج کااعلان، فیڈرل بورڈ آج، پنجاب بھر کے تعلیمی بورڈز 6 اگست کریں گے

پوزیشن ہولڈرز کے ناموں کا اعلان بالترتیب 5 اور 6 اگست کو ہوگا؛ فاطمہ جناح ویمن یونیورسٹی میں تقریبِ انعامات منعقد کی جائے گی

اسلام آباد (ایجو کیشن رپورٹر) جڑواں شہروںاسلام آباد اور راولپنڈی میں میٹرک کا امتحان دینے والے طلبہ و طالبات کے انتظار کی گھڑیاں ختم ہو گئیں ہیں، تعلیمی بورڈز نے نتائج کے باضابطہ اعلان کی تواریخ جاری کر دی ہیں۔

تفصیلات کے مطابق، فیڈرل بورڈ آف انٹرمیڈیٹ اینڈ سیکنڈری ایجوکیشن ، اسلام آبادآج بروز بدھ، 29 جولائی کو میٹرک کے امتحانی نتائج کا اعلان کرے گا۔

دوسری جانب، پنجاب بھر کے تمام 9 تعلیمی بورڈز میٹرک کے سالانہ امتحانات کے نتائج کا اعلان منگل، 6 اگست کو کریں گے۔

پوزیشن ہولڈرز اور تقریبِ سعید

نتائج کے اعلان سے قبل پوزیشن ہولڈرز طلبہ و طالبات کے ناموں کا اعلان کیا جائے گا۔ فیڈرل بورڈ 5 اگست کو جبکہ پنجاب کے تمام بورڈز 6 اگست کو پوزیشن ہولڈرز کی فہرستیں جاری کریں گے۔ نمایاں کامیابی حاصل کرنے والے طلبہ و طالبات کو انعامات سے نوازا جائے گا۔

ترجمان راولپنڈی تعلیمی بورڈ، نے بتایا کہ میٹرک کے نتائج کے اعلان کی تیاریاں عروج پر ہیں۔ نتائج کے باضابطہ اعلان اور پوزیشن ہولڈرز میں انعامات تقسیم کرنے کی مرکزی

تقریب فاطمہ جناح ویمن یونیورسٹی کے آڈیٹوریم میں منعقد ہوگی۔ اس پروقار تقریب میں وفاقی و صوبائی وزراء اور ارکانِ اسمبلی بطور مہمانانِ خصوصی شرکت کریں

تعلیمی بورڈ لاہور سمیت صوبے کے تمام بورڈزنے میٹرک امتحان کے نتائج کی تیاریاں مکمل کر لی ہیں اور نتائج کے حوالے سے ہونے والی تقریبات کے انعقاد کے لیے بھی انتظامات مکمل کر لیے ہیں نتائج کے حوالے سے صوبے کے سب سے بڑے تعلیمی بورڈ لاہور میں سب سے بری تقریب منعقد کی جائے گی جس میں صوبائی وزیر تعلیم سمیت اہم شخصیات شرکت کریں گی