ڈیرہ اسماعیل خان(نمائندہ خصوصی)گومل یونیورسٹی کے وائس چانسلر پروفیسر ڈاکٹر ظفر اقبال کو گورنر خیبر پختونخوا، بحیثیت چانسلر، نے 90 روز کے لیے جبری رخصت پر بھیج دیا ہے، جبکہ یونیورسٹی آف ویٹرنری سائنسز سوات کے وائس چانسلر ڈاکٹر شکیب اللہ کو گومل یونیورسٹی کے وائس چانسلر کا اضافی چارج سونپ دیا گیا ہے۔
محکمہ اعلیٰ تعلیم خیبر پختونخوا کی جانب سے جاری نوٹیفکیشن کے مطابق یہ اقدام انکوائری کمیٹی کی سفارشات پر عمل درآمد اور شفاف تحقیقات کو یقینی بنانے کے لیے کیا گیا ہے
واضح رہے کہ گومل یونیورسٹی کے معاملات کی تحقیقات کے لیے کمشنر ڈیرہ اسماعیل خان کی سربراہی میں کمیٹی قائم کی گئی تھی، جسے لاء کالج فائرنگ واقعے، ہاسٹل تنازعے، مبینہ غیر میرٹ بھرتیوں اور مالی بے ضابطگیوں سمیت مختلف امور کی تحقیقات کی ذمہ داری سونپی گئی ہے۔
