لاہور (ایجوکیشن رپورٹر) حکومتِ پنجاب نے اعلیٰ تعلیمی اداروں میں زیرِ تعلیم طلبہ کو معیاری رہائشی سہولیات کی فراہمی کے لیے پنجاب
پبلک پرائیویٹ پارٹنرشپ اتھارٹی کے تحت بڑے منصوبے کا آغاز کر دیا ہے۔ وزیراعلیٰ مریم نواز شریف کی ہدایت پر پنجاب یونیورسٹی سمیت
صوبے کی 28 سرکاری یونیورسٹیوں میں بوائز اور گرلز ہاسٹلز تعمیر کیے جائیں گے، جبکہ 3 میڈیکل کالجوں میں بھی پی پی پی موڈ کے
تحت ہاسٹلز قائم ہوں گے۔
صوبائی وزیر تعلیم کا سکول میں ہفتہ وار لیکچر،یوم اساتذہ پر کیک بھی کاٹا
اس منصوبے کے تحت ساہیوال ٹیچنگ ہسپتال میں نرسنگ ہاسٹل جبکہ صوبہ بھر میں ملازمت پیشہ خواتین کے لیے 14 ورکنگ وویمن ہاسٹلز
بھی تعمیر کیے جائیں گے۔ تعلیمی اداروں اور ہسپتالوں میں ان ہاسٹلز کے قیام کا مقصد دور دراز علاقوں سے آنے والے طلبہ، طالبات اور طبی
عملے کے لیے محفوظ، جدید اور باوقار رہائشی ماحول کو یقینی بنانا ہے۔
