پنجاب یونیورسٹی ادارہ تعلیم و تحقیق میں محفلِ میلادؐ کا انعقاد

لاہور (خصوصی رپورٹر) پنجاب یونیورسٹی کے ادارہ تعلیم و تحقیق  کے زیرِ اہتمام ایک بابرکت محفلِ میلاد مصطفیٰؐ کا انعقاد کیا گیا، جس میں فیکلٹی ممبران اور طلبہ و طالبات کی کثیر تعداد نے شرکت کی۔

تقریب میں ڈائریکٹر ادارہ تعلیم و تحقیق پروفیسر ڈاکٹر عبدالقیوم چوہدری اور چیئرپرسن شعبہ سیکنڈری ایجوکیشن ڈاکٹر عابدہ نسرین نے خصوصی طور پر شرکت کی۔ محفل کے دوران ثنا خواں طلبہ نے بارگاہِ رسالت مآبؐ میں نعتِ رسولِ مقبولؐ کے ذریعے عقیدت و محبت کے پھول نچھاور کیے۔

اس موقع پر اپنے خطاب میں ڈائریکٹر IER پروفیسر ڈاکٹر عبدالقیوم چوہدری نے کہا کہ آپؐ کی سیرتِ طیبہ تمام انسانیت کے لیے ہدایت کا بہترین سرچشمہ ہے اور نبی کریمؐ کی اسوۂ حسنہ پر عمل پیرا ہو کر ہی دنیا و آخرت میں کامیابی ممکن ہے۔ تقریب کے دوران نئے داخل ہونے والے طلبہ و طالبات کو خوش آمدید بھی کہا گیا۔

محفل کے اختتام پر امتِ مسلمہ کے اتحاد، ملکی سلامتی، ترقی اور طلبہ کے روشن مستقبل کے لیے خصوصی رقت انگیز دعا کی گئی۔