اہم ترین

یونیورسٹی آف مینجمنٹ اینڈ ٹیکنالوجی کا پولیس شہداء کے بچوں کیلئے پانچ کروڑ روپے کے وظائف کا اعلان

لاہور (ایجوکیشن رپورٹر) یونیورسٹی آف مینجمنٹ اینڈ ٹیکنالوجی لاہور...

 گورنمنٹ گریجویٹ کالج فار ویمن لاہور میں تین روزہ بین العلومی کانفرنس کا آغاز

لاہور (ایجوکیشن رپورٹر) گورنمنٹ گریجویٹ کالج فار ویمن گلبرگ، لاہور...

پنجاب یونیورسٹی،شراب کی بوتلیں برآمد خاتون سمیت تین گرفتار

لاہور(ایجو کیشن رپورٹر) لاہور میں پنجاب یونیورسٹی کی سیکیورٹی...

چیئرمین ملت ٹریکٹرز کا گورنمنٹ کالج یونیورسٹی کے لیے 2 نئے ٹریکٹرز کا عطیہ

مشینری کالا شاہ کاکو کیمپس کی تزئین و آرائش، زراعتی نگہداشت اور ترقیاتی کاموں کے لیے استعمال ہوگی

لاہور (ایجوکیشن رپورٹر)

ملت ٹریکٹرز لمیٹڈ کے چیئرمین اور ممتاز صنعت کار سکندر مصطفیٰ خان نے تعلیمی و ترقیاتی سرگرمیوں میں معاونت کی روایت کو برقرار رکھتے ہوئے اپنی مادرِ علمی، گورنمنٹ کالج یونیورسٹی (جی سی یو) لاہور کو دو جدید اور بالکل نئے ٹریکٹرز عطیہ کر دیے ہیں۔

یہ عطیہ جی سی یو کے وائس چانسلر پروفیسر ڈاکٹر محمد عمر چوہدری کی باضابطہ درخواست پر فراہم کیا گیا ہے۔ یہ بھاری مشینری کالا شاہ کاکو میں واقع یونیورسٹی کے 370 ایکڑ پر محیط نئے کیمپس کی تزئین و آرائش، زراعتی نگہداشت اور جاری مختلف بنیادی و عمرانی ترقیاتی منصوبوں کے لیے استعمال میں لائی جائے گی۔

مشینری کی باضابطہ منتقلی

دونوں جدید ٹریکٹرز باضابطہ طور پر یونیورسٹی انتظامیہ کے حوالے کر دیے گئے ہیں تاکہ کیمپس کے دیکھ بھال کے امور کو فوری طور پر مزید بہتر بنایا جا سکے۔

مادرِ علمی سے دیرینہ وابستگی

واضح رہے کہ سکندر مصطفیٰ خان اپنی مادرِ علمی جی سی یو کی ترقی و ترویج میں ہمیشہ پیش پیش رہے ہیں۔ اس حالیہ عطئے کے علاوہ وہ جی سی یو اینڈوومنٹ فنڈ کی ایگزیکٹو کمیٹی کے سرگرم رکن کی حیثیت سے بھی خدمات انجام دے رہے ہیں، جو یونیورسٹی کے انفراسٹرکچر کی بہتری اور مستحق و ہونہار طلبہ کو مالی معاونت و سکالرشپس کی فراہمی میں کلیدی کردار ادا کر رہی ہے۔