رکھنی (نمائندہ حصوصی) ڈویژنل ڈائریکٹر ایجوکیشن کوہ سلیمان ڈویژن ڈاکٹر سلیم زرکون نے مختلف تعلیمی
اداروں کا اچانک دورہ کرتے ہوئے تدریسی و انتظامی امور، اساتذہ اور دیگر عملے کی حاضری کا تفصیلی جائزہ لیا
ڈی سی لاہور کیپٹن (ر) محمد علی اعجاز کا گورنمنٹ اقبال ہائی سکول گڑھی شاہو کا دورہ
ڈائریکٹر ایجوکیشن نے گورنمنٹ گرلز ہائی سکول عیشانی، گورنمنٹ بوائز ہائی سکول عیشانی اور گورنمنٹ گرلز ہائی
سکول گڈائی رکھنی کا معائنہ کیا دورے کے دوران طویل عرصے سے غیر حاضر اور فرائض میں غفلت برتنے والے ٹیچنگ
و نان ٹیچنگ اسٹاف کے خلاف موقع پر ہی معطلی کے احکامات اور توضیحی نوٹسز جاری کیے گئے
بعد ازاں ڈاکٹر سلیم زرکون نے ایڈیشنل کمشنر کوہ سلیمان ڈویژن عبدالباسط بزدار سے ملاقات کی، جس میں ضلع
کوہلو کے شعبہ تعلیم سے متعلق اہم مسائل، بالخصوص کنٹریکٹ اساتذہ کی مبینہ جعلی اسناد اور دیگر انتظامی
امور پر تفصیلی تبادلہ خیال کیا گیا ڈویژنل ڈائریکٹر ایجوکیشن نے واضح کیا کہ تعلیمی اداروں میں حاضری، نظم و
ضبط اور معیارِ تعلیم پر کسی قسم کا سمجھوتہ نہیں کیا جائے گا، جبکہ غفلت اور غیر حاضری کے مرتکب ملازمین کے
خلاف قواعد و ضوابط کے مطابق کارروائی جاری رہے گی
