ڈی جی آئی ایس پی آر  کا فاطمہ جناح ویمن یونیورسٹی کا دورہ، طالبات سے قومی سلامتی اور ڈیجیٹل میڈیا کے چیلنجز پر گفتگو

اسلام آباد (نیٹ نیوز) پاک فوج کے ترجمان لیفٹیننٹ جنرل احمد شریف چوہدری نے فاطمہ جناح ویمن یونیورسٹی راولپنڈی کا دورہ کیا اور طالبات و فیکلٹی ممبران کے ساتھ ایک خصوصی انٹرایکٹو نشست میں شرکت کی۔ اس موقع پر ڈی جی آئی ایس پی آر نے قومی سلامتی، ڈیجیٹل میڈیا کے ابھرتے ہوئے چیلنجز اور موجودہ ملکی صورتحال سے متعلق سوالات کے مفصل جوابات دئیے۔ براہِ راست سوال و جواب کے اس سیشن سے شرکاء کو دفاعی حکمتِ عملی کو سمجھنے کا موقع ملا اور سوشل میڈیا پر پھیلے متعدد ابہام و شکوک و شبہات کا ازالہ ہوا۔