کابل،یونیورسٹی کے ہاسٹل میں دھماکہ، 20 طلباء شدید زخمی

کابل (آئی این پی) افغانستان کے دارالحکومت کابل میں واقع کابل یونیورسٹی کے طلبہ ہاسٹل میں ایک خوفناک دھماکے کے نتیجے میں 20 کے قریب طلباء شدید زخمی ہو گئے۔

‘افغانستان انٹرنیشنل’ کے مطابق، کابل میں گزشتہ شب ہونے والے اس دھماکے میں زخمی ہونے والے تقریباً 20 طلباء کو فوری طور پر علی آباد ہسپتال منتقل کیا گیا، جہاں اب تمام زخمیوں کی حالت خطرے سے باہر بتائی جاتی ہے۔ دھماکے کے فوراً بعد سوشل میڈیا پر سامنے آنے والی ویڈیوز میں متعدد ایمبولینسوں کو کابل یونیورسٹی کے ہاسٹل کے باہر دیکھا جا سکتا ہے، جہاں امدادی ٹیموں نے زخمیوں کو طبی امداد فراہم کی۔

کیورٹی ہائی الرٹ اور طالبان کا مؤقف

ہاسٹل میں موجود ایک طالب علم نے آڈیو پیغام میں بتایا کہ دھماکے کے بعد پورے ہاسٹل کی سیکیورٹی انتہائی سخت کر دی گئی ہے اور طلباء کی نقل و حرکت کو محدود کر دیا گیا ہے۔ تاہم، تاحال طالبان حکومت کی جانب سے دھماکے کی نوعیت، اسباب یا ممکنہ ذمہ داروں کے بارے میں کوئی باضابطہ بیان جاری نہیں کیا گیا۔