گورنمنٹ کالج برائے خواتین سیٹلائٹ ٹاؤن گوجرانوالہ کا عالمی اعزاز،وزیر اعلی کی حرم ریحان کو مبارکباد

گوجرانوالہ کی بیٹی کا عالمی اعزاز، بھارت کا 6 سالہ ریکارڈ توڑ کر گینز بک میں نام درج کرا لیا

​وزیراعلیٰ مریم نواز کی حرم ریحان کو مبارکباد، ایک منٹ میں 143 Knee Strikes کر کے تاریخ رقم کر دی

​گوجرانوالہ (نیوز رپورٹر):

گوجرانوالہ سے تعلق رکھنے والی باصلاحیت ایتھلیٹ حرم ریحان نے مارشل آرٹس کی دنیا میں تاریخ رقم کرتے ہوئے بھارت کا 6 سالہ عالمی ریکارڈ توڑ کر اپنا نام گینز بک آف ورلڈ ریکارڈ میں درج کرا لیا ہے۔ گورنمنٹ کالج برائے خواتین سیٹلائٹ ٹاؤن کی طالبہ حرم ریحان نے ایک منٹ میں گھٹنے کے ساتھ 143 مرتبہ (Knee Strikes) کر کے نیا عالمی ریکارڈ قائم کیا۔

​وزیراعلیٰ پنجاب مریم نواز شریف نے حرم ریحان کی اس شاندار کامیابی پر انہیں دل کی گہرائیوں سے مبارکباد دی ہے۔ اپنے تہنیتی پیغام میں وزیراعلیٰ نے کہا کہ:

​”حرم ریحان نے 6 سال بعد ایک بھارتی مرد کھلاڑی کا ریکارڈ توڑ کر نہ صرف اپنی صلاحیتوں کا لوہا منوایا بلکہ عالمی سطح پر پاکستانی پرچم بھی بلند کیا ہے۔”

​وزیراعلیٰ نے حرم ریحان کے والدین اور ان کے کوچنگ اسٹاف کو بھی شاندار کامیابی پر خراجِ تحسین پیش کیا۔ انہوں نے مزید کہا کہ پاکستانی بیٹیاں ہر میدان میں اپنی محنت اور لگن سے ملک کا نام روشن کر رہی ہیں اور حکومت ایسے ٹیلنٹ کی حوصلہ افزائی جاری رکھے گی۔

​یاد رہے کہ اس سے قبل یہ ریکارڈ ایک بھارتی کھلاڑی کے پاس تھا، جسے حرم ریحان نے اپنی غیر معمولی پھرتی اور بہترین تکنیک کے ذریعے شکست دے کر پاکستان کے نام کر دیا۔ اس کامیابی پر گوجرانوالہ کے شہریوں اور طالبات میں خوشی کی

لہر دوڑ گئی ہے