اہم ترین

پنجاب یونیورسٹی،شراب کی بوتلیں برآمد خاتون سمیت تین گرفتار

لاہور(ایجو کیشن رپورٹر) لاہور میں پنجاب یونیورسٹی کی سیکیورٹی...

اب پرچے امتحانی مراکز پر ہی پرنٹ ہوں گے،فیڈرل بورڈ نے سسٹم متعارف کرا دیا

اسلام آباد (ایجوکیشن رپورٹر) فیڈرل بورڈ آف انٹرمیڈیٹ اینڈ...

متروکہ وقف املاک بورڈ, 200 ہندو اور سکھ طلبہ کو ماہانہ سکالرشپس دینے کی منظوری

اسلام آباد (ایجوکیشن رپورٹر) متروکہ وقف املاک بورڈ نے...

  حکومتی پھرتیاں ایک صدی کے بعد پنجاب یونیورسٹی ٹاؤن تھری پر نوٹس ، 3 ماہ میں مسلے کے حل کا حکم

لاہور(ایجو کیشن رپورٹر)صوبائی وزیر تعلیم پنجاب رانا سکندر حیات نے پنجاب یونیورسٹی ٹاؤن تھری میں ملازمین اور متاثرین کو پلاٹوں کی فراہمی میں طویل تاخیر کا سخت نوٹس لیتے ہوئے معاملہ تین ماہ کے اندر حل کرنے کی واضح ہدایت جاری کر دی ہے۔

وزیر تعلیم رانا سکندر حیات کا کہنا تھا کہ جن شہریوں اور ملازمین نے اپنی عمر بھر کی جمع پونجی ٹاؤن تھری میں انویسٹ کی ہے، ان کے حقوق کا ہر قیمت پر تحفظ کیا جائے گا اور کسی کو بھی ان के جائز پلاٹ سے محروم نہیں رہنے دیا جائے گا۔

انہوں نے اس بات پر شدید تشویش کا اظہار کیا کہ آخر کس وجہ سے پچھلے دس سال سے ٹاؤن تھری کے متاثرین کو پلاٹوں کا قبضہ نہیں مل سکا۔ صوبائی وزیر نے عزم ظاہر کیا کہ گزشتہ ایک دہائی سے جاری اس ناانصافی کی مکمل تحقیقات کی جائیں گی اور اس معاملے کے تمام ذمہ داروں و ملزمان کو نقاب کشائی کے بعد منظر عام پر لایا جائے گا۔

رانا سکندر حیات نے مزید کہا کہ جن عناصر کی غفلت یا بدعنوانی کے باعث متاثرین کو گزشتہ دس سالوں سے بے جا کرایہ بھرنا پڑا، انہیں قانون کے مطابق سخت سزا دی جائے گی تاکہ مستقبل میں کوئی غریب کی کمائی سے کھلواڑ نہ کر سکے۔