اہم ترین

پنجاب یونیورسٹی،شراب کی بوتلیں برآمد خاتون سمیت تین گرفتار

لاہور(ایجو کیشن رپورٹر) لاہور میں پنجاب یونیورسٹی کی سیکیورٹی...

اب پرچے امتحانی مراکز پر ہی پرنٹ ہوں گے،فیڈرل بورڈ نے سسٹم متعارف کرا دیا

اسلام آباد (ایجوکیشن رپورٹر) فیڈرل بورڈ آف انٹرمیڈیٹ اینڈ...

متروکہ وقف املاک بورڈ, 200 ہندو اور سکھ طلبہ کو ماہانہ سکالرشپس دینے کی منظوری

اسلام آباد (ایجوکیشن رپورٹر) متروکہ وقف املاک بورڈ نے...

کے پی کے ،اقلیتی امیدوار کم پڑ گئے، محکمہ تعلیم میں متعدد آسامیاں خالی

محکمہ تعلیم نے خالی نشستوں کو اوپن میرٹ کے تحت پُر کرنے کی تجویز دے دی

بیشتر اضلاع میں مناسب امیدوار نہ ملنے سے تعلیمی سرگرمیاں متاثر، محکمہ قانون سے وضاحت طلب

پشاور (نیوز رپورٹر) محکمہ ابتدائی و ثانوی تعلیم میں اقلیتی کوٹے پر موزوں امیدوار دستیاب نہ ہونے کے باعث متعدد آسامیاں خالی رہنے کا انکشاف ہوا ہے، جس پر محکمہ تعلیم نے ان خالی نشستوں کو اوپن میرٹ کے تحت پُر کرنے کی تجویز دے دی ہے۔

محکمہ تعلیم کی جانب سے سیکرٹری ایلیمنٹری اینڈ سیکنڈری ایجوکیشن کو ارسال کیے گئے مراسلے میں کہا گیا ہے کہ خیبر پختونخوا سول سرونٹس رولز 1989ء کے تحت پانچ فیصد کوٹہ اقلیتی برادری کے لیے مختص ہے، تاہم بیشتر اضلاع میں مناسب امیدوار نہ ملنے کے باعث یہ نشستیں خالی پڑی ہیں۔ مراسلے میں مؤقف اختیار کیا گیا ہے کہ اس صورتحال سے تعلیمی سرگرمیاں متاثر ہو رہی ہیں اور اسکولوں میں تدریسی نظام کو مشکلات کا سامنا ہے۔

محکمہ نے تجویز دی ہے کہ جہاں اقلیتی امیدوار دستیاب نہیں وہاں عوامی مفاد میں ان آسامیوں کو اوپن میرٹ کے ذریعے پُر کرنے کی اجازت دی جائے۔ ڈائریکٹر ایلیمنٹری اینڈ سیکنڈری ایجوکیشن کی جانب سے جاری مراسلے میں محکمہ قانون سے بھی وضاحت طلب کرنے کی سفارش کی گئی ہے تاکہ خالی نشستوں پر بھرتیوں کا قانونی طریقہ کار واضح کیا جا سکے۔ صوبے کے کئی اضلاع میں اساتذہ کی کمی پہلے ہی سنگین مسئلہ بن چکی ہے جبکہ آسامیوں کی خالی صورتحال سے اسکولوں میں تعلیمی نظام مزید دباؤ کا شکار ہو رہا ہے۔