راولپنڈی (این این آئی) آئی ایس پی آر انٹرن شپ پروگرام 2026 کے تحت سابق مشیر قومی سلامتی ڈاکٹر معید یوسف کی طلبہ و طالبات کے ساتھ ایک خصوصی نشست کا انعقاد کیا گیا۔ اس پروگرام میں پاکستان بھر کے 21 سٹیشنز سے 6150 سے زائد طلبہ و طالبات نے شرکت کی۔ نشست کے دوران سابق مشیر قومی سلامتی ڈاکٹر معید یوسف نے قومی سلامتی، ملکی معیشت اور اس تمام تر عمل میں نوجوانوں کے کلیدی کردار پر تفصیلی اظہارِ خیال کیا۔
دنیا بھر میں 2025 کے دوران سکولوں پر حملوں میں 33 فیصد اضافہ ہوا، یونیسکو
ڈاکٹر معید یوسف نے گفتگو کرتے ہوئے کہا کہ ترقی یافتہ معاشروں میں مشترکہ عنصر نوجوان نسل کا مثبت کردار، بلند حوصلہ اور ان کی مؤثر شمولیت ہے۔ انہوں نے مزید کہا کہ جامع قومی سلامتی کا حقیقی تصور ہر شہری کے تحفظ، عزت، سلامتی اور خوشحالی کو یقینی بنانے سے وابستہ ہے۔
