پشاور (ایجو کیشن رپورٹر) خیبر پختونخوا حکومت نے صوبے بھر میں خدمات انجام دینے والے 14 ہزار سے زائد اساتذہ کو مستقل کرنے کے لیے اہم پیش رفت کی ہے، جس کے تحت متعلقہ ترمیمی بل میں حائل تمام قانونی پیچیدگیاں اور تحفظات کو دور کر دیا گیا ہے
حکومتی ذرائع کے مطابق، ترمیمی بل کو اب 12 اکتوبر کو ممکنہ طور پر خیبر پختونخوا اسمبلی کے اجلاس میں پیش کیے جانے کا قوی امکان ہے بل کی منظوری سے قبل اسے صوبائی کابینہ سے بھی حتمی منظوری لی جائے گی
لاہور کی 5 تحصیلوں میں 55 موبائل ای-لائبریریاں متحرک کرنے کا فیصلہ
ذرائع کا مزید کہنا ہے کہ اس سے قبل اساتذہ کی مستقلی کے حوالے سے بل میں کچھ قانونی پیچیدگیاں موجود تھیں، جس کے باعث اسے اسمبلی میں پیش نہیں کیا جا سکا تھا اب لاء ڈیپارٹمنٹ کی جانب سے ان تمام پیچیدگیوں کو دور کر دیا گیا ہے اور ترمیمی بل کو دوبارہ ایجوکیشن ڈیپارٹمنٹ کو بھجوا دیا گیا ہے
صوبائی وزیر تعلیم کے دستخط کے بعد آج یہ بل دوبارہ لاء ڈیپارٹمنٹ کو بھیجا جائے گا، جہاں سے اسے حتمی منظوری کے لیے اسمبلی میں پیش کیا جائے گا اس اقدام سے کے پی فنڈز کے تحت خدمات انجام دینے والے 14 ہزار سے زائد اساتذہ کا دیرینہ مطالبہ پورا ہونے اور ان کا مستقبل محفوظ ہونے کی امید پیدا ہوئی ہے
