اورکزئی (نامہ نگار) ضلع اورکزئی کے علاقے سنٹرل اورکزئی کے مشتی میلہ میں دہشت گردی کا افسوسناک واقعہ پیش آیا ہے، جہاں نامعلوم مسلح افراد نے گورنمنٹ ہائی سکول مشتی بازار میں داخل ہو کر اساتذہ کو یرغمال بنا لیا اور سکول کے پرنسپل کو اغوا کر کے فرار ہو گئے۔
ذرائع کے مطابق نامعلوم دہشت گردوں نے سکول کی عمارت میں داخل ہو کر وہاں موجود اساتذہ سے موبائل فون چھین لیے اور بعد ازاں پرنسپل محمد اقبال آفریدی کو مبینہ طور پر اغوا کر کے کسی نامعلوم مقام پر منتقل کر دیا۔
پنجاب1کروڑ18لاکھ،سندھ70لاکھ اور کےپی کے میں50 لاکھ بچے سکولوں سے باہر ہیں ۔حافظ نعیم
واقعے کی اطلاع ملتے ہی پولیس کی بھاری نفری موقع پر پہنچ گئی اور مغوی پرنسپل کی محفوظ بازیابی اور ملزمان کی فوری گرفتاری کے لیے بڑے پیمانے پر کارروائیاں شروع کر دی گئی ہیں۔
ڈی پی او اورکزئی شوکت علی کے مطابق ایس ڈی پی او محبوب خان کی زیرِ نگرانی پولیس کی مختلف ٹیموں نے علاقے کو گھیرے میں لے کر سرچ آپریشن کا آغاز کر دیا ہے۔ انہوں نے بتایا کہ واقعے کی تمام پہلوؤں سے تفتیش جاری ہے اور جلد ہی ملوث عناصر کو قانون کی گرفت میں لایا جائے گا
