ملتان (سٹاف رپورٹر) بہاؤالدین زکریا یونیورسٹی ملتان میں پروفیسرز کے درمیانی جھگڑے کے معاملے پر پولیس نے
یونیورسٹی کے چی سکیورٹی آفیسر (سی ایس او) پروفیسر ڈاکٹر عثمان سلیم کے خلاف مقدمہ درج کر لیا ہے۔
ملتان کی نجی یونیورسٹی میں فائرنگ، ایک طالب علم جاں بحق، متعدد زخمی
>یونیورسٹی میں اکیڈمک اسٹاف ایسوسی ایشن (اے ایس اے) کے جنرل سیکرٹری پروفیسر ڈاکٹر سیف اللہ قریشی
اور پروفیسر ڈاکٹر عثمان سلیم کے درمیان تلخ کلامی اور جھگڑا ہوا تھا، جس کے بعد ڈاکٹر سیف اللہ کی جانب سے
کارروائی کے لیے تھانہ ڈی ایچ اے میں تحریری درخواست جمع کرائی گئی تھی۔
پولیس نے پروفیسر ڈاکٹر سیف اللہ کی مدعیت میں نامزد ملزم پروفیسر عثمان سلیم کے خلاف باقاعدہ مقدمہ درج کر
لیا ہے۔ تاہم ذرائع کے مطابق ایف آئی آر کے اندراج کے باوجود تاحال ملزم کی گرفتاری عمل میں نہیں لائی جا سکی ہے۔
