مظفرگڑھ (نمائندہ حصوصی) مظفرگڑھ میں گرین الیکٹرک بس کے عملے اور گورنمنٹ ٹیکنالوجی کالج کے طلباء کے
درمیان پیش آنے والا جھگڑے کا معاملہ طول اختیار کر گیا ہے، جس کے بعد طلباء نے سڑک بلاک کر کے شدید احتجاج کیا۔
بہاؤالدین زکریا یونیورسٹی اساتذہ کا جھگڑا، سکیورٹی آفیسر کے خلاف مقدمہ درج، گرفتاری نہ ہو سکی
طلباء کا الزام تھا کہ بس عملے نے طلباء کو زبردستی بس اسٹینڈ پر لے جا کر تشدد کا نشانہ بنایا، جبکہ دوسری جانب
گرین بس انتظامیہ کا موقف تھا کہ ہراسانی کی شکایات پر کالج کے طلباء کو بس کے پچھلے حصے میں کھڑا ہونے کا
کہا گیا تھا جس پر تلخ کلامی ہوئی۔ بس انتظامیہ نے الزام عائد کیا کہ طلباء نے اپنے دیگر ساتھیوں کو بلا کر بس
اسٹینڈ پر عملے کے ساتھ مار پیٹ کی اور توڑ پھوڑ بھی کی۔
اس واقعے کے خلاف ٹیکنالوجی کالج کے طلباء نے ترکی بائی پاس پر احتجاج کرتے ہوئے روڈ کو بلاک کر دیا، جس کی وجہ
سے ملتان ڈیرہ غازیخان روڈ پر ٹریفک کی لمبی قطاریں لگ گئیں اور مسافروں کو شدید مشکلات کا سامنا کرنا پڑا۔
احتجاج کے دوران طلباء نے کئی گرین بسوں کو بھی ترکی بائی پاس پر روک لیا اور موقف اپنایا کہ پولیس ملزمان کے
خلاف کارروائی کرنے کے بجائے الٹا طلباء کو دھمکیاں دے رہی ہے۔ بعد ازاں پولیس نے موقع پر پہنچ کر طلباء کے ساتھ
مذاکرات کیے اور معاملے کی مکمل و شفاف تحقیقات کی یقین دہانی کروائی، جس کے بعد سڑک کو ٹریفک کے لیے
کھلوا دیا گیا۔
