کراچی (ایجوکیشن رپورٹر) جامعہ کراچی نے طلبہ و طالبات، اساتذہ اور انتظامی و غیر تدریسی عملے کو درپیش
نفسیاتی مسائل، ذہنی دباؤ اور جذباتی پریشانیوں کے ازالے کے لیے اپنے میڈیکل سینٹر میں خصوصی "مرکز برائے ذہنی
صحت و فلاح و بہبود” (مینٹل ہیلتھ اینڈ ویل بیئنگ سینٹر) قائم کر دیا ہے، جبکہ جلد ایک موبائل ایپلی کیشن بھی
متعارف کرائی جائے گی۔ مرکز کا باقاعدہ افتتاح پیر کے روز سندھ مینٹل ہیلتھ اتھارٹی (ایس ایم ایچ اے) کے چیئرمین
کراچی، سکول ویگنوں میں سی این جی اور ایل پی جی سلنڈرز پر پابندی عائد
سینیٹر ڈاکٹر کریم احمد خواجہ اور وائس چانسلر جامعہ کراچی پروفیسر ڈاکٹر وسیم قاضی نے مشترکہ طور پر کیا۔
افتتاحی تقریب سے خطاب کرتے ہوئے وائس چانسلر پروفیسر ڈاکٹر وسیم قاضی نے ملک میں ذہنی صحت کے مسائل
کی تشویش ناک صورتحال کی نشاندہی کرتے ہوئے نفسیاتی صحت اور ذہنی آسودگی کو قومی ترقی کی ترجیحات
میں شامل کرنے کی ضرورت پر زور دیا۔
