کوئٹہ (ایجوکیشن رپورٹر) نیشنل پارٹی کے سربراہ اور سابق وزیراعلیٰ بلوچستان ڈاکٹر عبدالمالک بلوچ نے کہا ہے کہ
تعلیم کسی بھی معاشرے کی ترقی، خوشحالی اور روشن مستقبل کی بنیادی ضامن ہے۔ ہیلپرز پبلک سکول و کالج
کی سالانہ تقریبِ تقسیمِ انعامات سے خطاب کرتے ہوئے انہوں نے کہا کہ معیاری تعلیم کی فراہمی نئی نسل کی بہتر
تربیت اور ملک و قوم کی تعمیر و ترقی میں کلیدی کردار ادا کرتی ہے، اور اس سلسلے میں ہیلپرز سکول و کالج کی
تعلیمی خدمات گراں قدر ہیں۔ تقریب میں پرنسپل پروفیسر آصف اختر، ہیلپرز ایسوسی ایشن آف پاکستان کے ٹریژرر
کوٹ رادھا کشن میں ٹریکٹر ٹرالی کی ٹکر سے موٹر سائیکل سوار 2 طالب علم جاں بحق
ندیم خان، انچارج کالج سیکشن محمد آصف اچکزئی اور سینئر سیکشن ہیڈ جمیل احمد سمیت دیگر شخصیات بھی
موجود تھیں۔ سابق وزیراعلیٰ نے کہا کہ غیر نصابی سرگرمیاں طلبہ کی ذہنی نشوونما اور مقابلے کا رجحان پیدا کرنے
کے لیے ضروری ہیں۔ انہوں نے یاد دلایا کہ اپنے دورِ حکومت میں انہوں نے صوبے کے مختلف اضلاع میں سکولز، کالجز،
میڈیکل اور انجینئرنگ یونیورسٹیاں قائم کیں جن سے آج طلبہ مستفید ہو رہے ہیں۔ تقریب کے اختتام پر ڈاکٹر عبدالمالک
بلوچ نے نمایا کارکردگی دکھانے والے اساتذہ اور طلبہ میں انعامات تقسیم کیے۔
