پشاور (خصوصی رپورٹر) پشاور کی تاریخی و نامور درسگاہ اسلامیہ کالج یونیورسٹی کے ہاسٹل میں ایک طالب علم کی پراسرار ہلاکت کا افسوسناک واقعہ پیش آیا ہے، جس کے بعد یونیورسٹی اور ہاسٹل کے طلبہ میں تشویش کی لہر دوڑ گئی ہے۔ پولیس کے مطابق ابتدائی شواہد سے معلوم ہوتا ہے کہ طالب علم نے مبینہ طور پر خودکشی کی ہے۔
تفصیلات کے مطابق، یہ واقعہ اسلامیہ کالج یونیورسٹی کے ٹرائبل ہاسٹل کے کمرہ نمبر 29 میں پیش آیا، جہاں سیکنڈ ایئر کے طالب علم زاہد کی لاش برآمد ہوئی۔ پولیس حکام کا کہنا ہے کہ متوفی طالب علم کا تعلق درہ آدم خیل سے تھا اور وہ ہاسٹل میں مقیم تھا۔
واقعے کی تفصیلات بتاتے ہوئے پولیس نے بتایا کہ طالب علم کا کمرا اندر سے مکمل طور پر بند تھا۔ ہاسٹل انتظامیہ اور طلبہ کی جانب سے بارہا دستک دینے کے باوجود جب اندر سے کوئی جواب موصول نہیں ہوا، تو شک گزرنے پر پولیس کو اطلاع دی گئی۔ پولیس کی موجودگی میں جب کمرے کا دروازہ کھولا گیا تو اندر طالب علم مردہ حالت میں پایا گیا۔
پولیس نے لاش کو تحویل میں لے کر پوسٹ مارٹم اور دیگر قانونی کارروائی کے لیے ہسپتال منتقل کر دیا ہے۔ پولیس حکام کا مزید کہنا ہے کہ واقعے کی اصل وجوہات جاننے اور ہلاکت کے تمام پہلوؤں کا جائزہ لینے کے لیے تفصیلی تحقیقات کا آغاز کر دیا گیا ہے، اور پوسٹ مارٹم کی حتمی رپورٹ کے بعد ہی موت کی اصل وجہ کا تعین کیا جا سکے گا۔
ملک کی تعلیمی تاریخ میں پہلا بڑا قدم: پرائمری سطح پر آرٹیفیشل انٹیلی جنس لازمی…
محکمہ ہائر ایجوکیشن پنجاب میں اثر و رسوخ اور اقربا پروری کا راج؛ ڈیپوٹیشن اور…
پشاور (نیوز رپورٹر) یونیورسٹی آف پشاور نے ڈپلوما، سرٹیفکیٹ اور مختلف پروگراموں میں زیرِ تعلیم…
اسلام آباد (تعلیمی رپورٹر) قائد اعظم یونیورسٹی اسلام آباد میں مستقل وائس چانسلر کی طویل…
پشاور (نیوز رپورٹر) ایلیمنٹری اینڈ سیکنڈری ایجوکیشن نے صوبہ بھر کے تمام سرکاری اسکولوں کے…
لاہور (خصوصی رپورٹر) محکمہ خصوصی تعلیم (اسپیشل ایجوکیشن) پنجاب نے حکومت کے فلیگ شپ "ہمت…