ایمرسن یونیورسٹی، انتظامیہ کے نوٹیفکیشن پر اساتذہ میں کشیدگی اور تشویش

ملتان (ایجوکیشن رپورٹر)

ایمرسن یونیورسٹی ملتان میں جاری نئے نوٹیفکیشن کے باعث وائس چانسلر اور مرد و خواتین اساتذہ کے درمیان شدید کشیدگی پیدا ہو گئی ہے۔

ذرائع کے مطابق ڈپٹی رجسٹرار کی جانب سے ایک نوٹیفکیشن جاری کیا گیا ہے، جس میں دعویٰ کیا گیا ہے کہ شعبہ کمپیوٹنگ میں ‘غیر قانونی’ اجلاس منعقد ہوا ہے۔ نوٹیفکیشن میں واضح ہدایت کی گئی ہے کہ آئندہ بغیر پیشگی منظوری کے کسی بھی قسم کے اجلاس کے انعقاد اور ایجنڈے پر مکمل پابندی ہوگی، بصورتِ دیگر شعبہ سربراہ کے خلاف سخت کارروائی عمل میں لائی جائے گی۔

اس حوالے سے یونیورسٹی کے بعض حلقوں، قانونی اور آئینی ماہرین کا کہنا ہے کہ آئینِ پاکستان کا آرٹیکل 16 تمام شہریوں کو پرامن اجتماع اور باہمی مشاورت کا بنیادی حق فراہم کرتا ہے۔ انہوں نے موقف اپنایا کہ کسی بھی فرضی وجہ کو ڈھال بنا کر اساتذہ کی باہمی گفتگو اور مشاورت پر قدغن لگانا عملاً تعلیمی ادارے میں "دفعہ 144” نافذ کرنے کے مترادف ہے۔

دوسری جانب اساتذہ کا کہنا ہے کہ شعبے میں ایسی کوئی میٹنگ سرے سے ہوئی ہی نہیں، جس سے ثابت ہوتا ہے کہ انتظامیہ نا تجربہ کاری کا مظاہرہ کرتے ہوئے محض اساتذہ (بشمول خواتین اساتذہ) کو ہراساں کرنے اور ان کی تعلیمی و باہمی آزادی کو سلب کرنے کی کوشش کر رہی ہے۔

علاوہ ازیں، ذرائع کا کہنا ہے کہ وائس چانسلر نے ایمرسن یونیورسٹی ایلومنائی (Alumni) کے نمائندوں کو بلا کر گلہ و شکوہ کیا ہے کہ اساتذہ ان کے خلاف ہیں اور انتظامیہ کے ساتھ تعاون نہیں کر رہے، جس سے یونیورسٹی کے اندرونی معاملات مزید اختلافات کا شکار ہوتے دکھائی دے رہے ہیں۔

urdutaleem@gmail.com

Recent Posts

محکمہ سکول ایجوکیشن پنجاب کو تین ریجنز میں تقسیم کرنے کی تجویز، سمری وزیر اعلیٰ کو ارسال

ملتان (ایجوکیشن رپورٹر) محکمہ سکول ایجوکیشن پنجاب کو نارتھ پنجاب، سینٹرل پنجاب اور ساؤتھ پنجاب…

1 منٹ ago

زکریا یونیورسٹی میں بس ڈرائیور اور کنڈیکٹر پر مبینہ تشدد، شٹل سروس معطل, عملے کا احتجاج

ملتان(ایجوکیشن رپورٹر) بہاؤالدین زکریا یونیورسٹی کے مین گیٹ پر مبینہ طور پر بس ڈرائیور اور…

17 منٹس ago

فیڈرل پبلک سروس کمیشن نے مختلف وزارتوں کی سینکڑوں اسامیوں کے تحریری امتحان کے نتائج کا اعلان کر دیا۔

اسلام آباد (سپیشل رپورٹر)فیڈرل پبلک سروس کمیشن نے مختلف وزارتوں کی سینکڑوں اسامیوں کے تحریری…

13 گھنٹے ago

منہاج یونیورسٹی میں کانووکیشن 2026 کی تقریب، 1700 طلبہ و طالبات میں ڈگریاں تقسیم

لاہور(ایجو کیشن رپورٹر)منہاج یونیورسٹی مادرملت روڈمیں کانووکیشن 2026 کی تقریب ہوئی ۔ 1700 طلبہ و…

13 گھنٹے ago

جنوبی کوریا میں طلبا کے امتحان کی خاطر پورے ملک کی فضائی ٹریفک روک دی گئی

اسلام آباد (مانیٹرنگ ڈیسک) جنوبی کوریا میں نوجوانوں کے مستقبل کے ایک امتحان کی خاطر…

20 گھنٹے ago

فیصل آباد، گورنمنٹ ٹیکنالوجی کالج فار ویمن ڈی گراؤنڈ میں روڈ سیفٹی آگاہی سیمینار کا انعقاد

فیصل آباد (ایجوکیشن رپورٹر) سٹی ٹریفک پولیس کی جانب سے گورنمنٹ ٹیکنالوجی کالج فار ویمن…

21 گھنٹے ago