ایم ڈی کیٹ امیدواروں سے سوالیہ پیپرز واپس نہیں لئے جا سکتے، لاہور ہائیکورٹ راولپنڈی بنچ

لاہور(ایجوکیشن رپورٹر) لاہور ہائیکورٹ راولپنڈی بنچ نے ایم ڈی کیٹ امتحانات کے سوالیہ پیپرز امیدواروں سے واپس

لینے کے اقدام کو غیر قانونی قرار دے دیا ہے۔ عدالت نے تمام امتحانات کے سوالیہ پیپرز فوری ایپ پر اپ لوڈ کرنے کا

حکم دیتے ہوئے طلبا کی پٹیشنیں منظور کر لی ہیں۔

عدالت میں سماعت کے دوران مؤقف اختیار کیا گیا کہ سوالیہ پیپر زامیدواروں سے پرچے حل کرنے کے بعد واپس لینے کا

اقدام سراسر غیر قانونی ہے۔ جسٹس احسن رضا کاظمی نے ریمارکس دیے کہ فیصلے پر فوری عمل درآمد کیا جائے

کیونکہ پاکستان میڈیکل کونسل (پی ایم سی) سوالیہ پیپرز امیدواروں سے واپس نہیں لے سکتی۔