ملتان (ایجوکیشن رپورٹر) بہاؤالدین زکریا یونیورسٹی کے غیر فعال اور کم کارکردگی دکھانے والے شعبہ جات کو ضم
کرنے کا اہم فیصلہ کیا گیا ہے، جس کی منظوری جامعہ کی اکیڈمک کونسل نے دے دی ہے۔ اکیڈمک کونسل کا اعلیٰ
سطحی اجلاس وائس چانسلر پروفیسر ڈاکٹر محمد زبیر اقبال کی صدارت میں منعقد ہوا، جس میں یونیورسٹی کے
تعلیمی معیار، ماحولیاتی بہتری، نئے تعلیمی پروگرامز کے آغاز اور مالی استحکام سے متعلق متعدد اہم فیصلوں کی
منظوری دی گئی۔
اجلاس کے دوران کونسل نے متفقہ طور پر یہ فیصلہ بھی کیا کہ طلبہ میں شجرکاری کے رجحان کو فروغ دینے کے لیے
نواز شریف زرعی یونیورسٹی, کلائمیٹ سمارٹ ایگریکلچر پر بین الاقوامی کانفرنس اختتام پذیر
عملی اقدامات کیے جائیں گے۔ اس مقصد کے تحت سوکس اینڈ کمیونٹی انگیجمنٹ کے مضمون میں ان طلبہ کو 2 اضافی سیشنل نمبرز دیے جائیں گے جو یونیورسٹی کی حدود میں پودا لگائیں گے اور اس کی باقاعدہ نگہداشت کو یقینی بنائیں گے۔ اس کے علاوہ جامعہ میں تعلیمی و انتظام کے شعبوں کو بہتر بنانے کے لیے غیر فعال اور کم کارکردگی والے شعبہ جات کی ضم سازی کا عمل جلد شروع کیا جائے گا۔
