خاتون ڈپٹی ڈائریکٹرکالجزکااستقبال ڈھول کی تھاپ پر نوٹ نچھاور

لاہور( سپیشل رپورٹر)محکمہ ہائر ایجوکیشن پنجاب میں 38 ڈپٹی ڈائریکٹرز تعینات,چارج سنھبال کر کام شروع کر دیا خاتون ڈپٹی ڈائریکٹر ننکانہ کی دفتر آمد پر ڈھول کی تھاپ پر بھنگڑے خاتون ڈپٹی ڈائریکٹر پرنوٹ نچھاور کیے جاتے رہےتعلیمی حلقوں میں خاتون آفیسر پر نوٹ نچھاور کرنے پر متعلقہ افراد کو شدید تنقید کا نشانہ بنایا جانے لگا ہےحکومتِ پنجاب کے محکمہ ہائر ایجوکیشن (HED) نے صوبے بھر میں گریڈ 18 کے 38 افسران کو بطور ڈپٹی ڈائریکٹر (کالجز) تعینات کرنے کا نوٹیفکیشن جاری کر دیا ہے یہ تقرریاں سلیکشن کمیٹی کی جانب سے شارٹ لسٹ کیے گئے پینلسٹس کے انٹرویوز کے بعد عمل میں لائی گئی ہیں نوٹیفکیشن کے مطابق ان افسران کی تقرری 3 سال کی مدت کے لیے ریگولر بنیادوں پر کی گئی ہےجو کہ ان کی تسلی بخش کارکردگی سے مشروط ہوگی سلیکشن کمیٹی جون 2026 میں ان افسران کی پہلی کارکردگی کا جائزہ لے گی تاکہ ان کے عہدوں پر برقرار رہنے کا فیصلہ کیا جا سکےنوٹیفکیشن کے تحت لاہور اور دیگر اضلاع میں درج ذیل اہم تقرریاں کی گئی ہیں لاہور میں مسٹر نعیم اقبال کو ڈپٹی ڈائریکٹر (ایڈمن) اور مسز رابعہ اختر کو ڈپٹی ڈائریکٹر (پلاننگ اینڈ بجٹ) لاہور تعینات کیا گیا ہے جنہوں نے اپنے نئے عہدے کاچارج نہیں سنبھالا ہے ۔ اس کے علاوہ مسٹر شفقت علی، مس اریشہ بتول اور مسٹر خرم شہزاد کو ڈائریکٹوریٹ آف پبلک انسٹرکشن (DPI) کالجز پنجاب میں تعینات کیا گیا ہےگوجرانوالہ ڈویژن میں مسٹر ندیم احمد کو گوجرانوالہ، مسٹر شعیب عاشق کو گجرات اور مسٹر خرم شہزاد کو حافظ آباد میں ڈپٹی ڈائریکٹر تعینات کیا گیا ہے ۔دیگر اضلاع میں علی حمید کو (قصور)، محمد ساجد ندیم کو (شیخوپورہ)، ڈاکٹر طاہرہ بتول کو(ننکانہ صاحب)، اور ضیاء الاحسن کو سرگودھا میں ذمہ داریاں سونپی گئی ہیں عہدوں پر برقرار رہنے والے افسران فیصل آباد سے ڈاکٹر حبیب الرحمان، جھنگ سے محمد نعیم خان، بھکر سے ناظم حسین، رحیم یار خان سے سائرہ بانو اور لیہ سے ذوالفقار علی کو ان کے موجودہ عہدوں پر ہی کام جاری رکھنے کی ہدایت کی گئی ہے