ختونخوا میں ایمرجنسی اور گورنر راج کا نفاذ، ڈاکٹر سید امیر عبداللہ کو مشیر برائے تعلیم مقرر کر دیا گیا

پشاور (سپیشل رپورٹر) خیبر پختونخوا میں گورنر راج اور ایمرجنسی کے نفاذ کے بعد اہم انتظامی و تعلیمی فیصلے سامنے آنے کا سلسلہ جاری ہے۔ صوبے میں تعلیمی ڈھانچے کی بہتری اور ایمرجنسی صورتحال کے دوران تعلیمی امور کی منصبانہ نگہداشت کے لیے ڈاکٹر سید امیر عبداللہ کو مشیر برائے تعلیم مقرر کر دیا گیا ہے۔

ڈاکٹر سید امیر عبداللہ ایک ممتاز تعلیمی و انتظامی شخصیت ہیں جن کا تعلق تعلیم، صنعت و تجارت اور بین الاقوامی تعلقات کے شعبوں سے ہے۔ وہ اس سے قبل خیبر پختونخوا کے نگران صوبائی وزیر برائے صنعت و تجارت کے طور پر اپنی خدمات انجام دے چکے ہیں اور نیکٹا (NECTA) کی ایکسپرٹ کمیٹی کے رکن بھی رہ چکے ہیں۔

پشاور میں تاحکم ثانی تعلیمی ادارے بند، بنوں بورڈ کے میٹرک کے پرچے ملتوی

ان کے پاس نیدرلینڈز سے بین الاقوامی تعلقات (International Relations) میں پی ایچ ڈی کی ڈگری ہے اور عالمی و ملکی سطح پر انتظامی امور کا وسیع تجربہ حاصل ہے۔

ذرائع کے مطابق، صوبے میں ایمرجنسی کے نفاذ کے بعد تعلیمی اداروں کی اصلاح، جاری بحرانی کیفیت میں تدریسی نظام کی بحالی اور طلباء کے مستقبل کو محفوظ بنانے کے لیے ان کی اعلیٰ صلاحیتوں اور بین الاقوامی و قومی تجربے سے استفادہ کیا جائے گا