کراچی بمقابلہ اندرونِ سندھ، انجینئرنگ میں کیمبرج کا راج، میڈیکل میں سرکاری بورڈز آگے

کراچی (ایجو کیشن رپورٹر) داؤد انجینئرنگ اینڈ ٹیکنالوجی یونیورسٹی کراچی کے حالیہ داخلہ ٹیسٹ کے نتائج نے سندھ کے تعلیمی نظام، خصوصاً اندرونِ سندھ کے سرکاری امتحانی بورڈز کے معیارِ تعلیم پر ایک بڑا سوالیہ نشان کھڑا کر دیا ہے۔ نتائج کے مطابق، جہاں پرائیویٹ اور غیر ملکی تعلیمی نظام سے منسلک طلبہ نے شاندار کارکردگی کا مظاہرہ کیا، وہیں سرکاری بورڈز کے اکثر امیدوار مقابلے کی اس دوڑ میں کافی پیچھے دکھائی دیے۔

ختونخوا میں ایمرجنسی اور گورنر راج کا نفاذ، ڈاکٹر سید امیر عبداللہ کو مشیر برائے تعلیم مقرر کر دیا گیا

داخلہ ٹیسٹ کے شائع شدہ اعدادو شمار کے مطابق، صرف تین امتحانی بورڈز کے طلبہ کی کامیابی کا تناسب 92 فیصد یا اس سے زائد رہا۔ اس ٹیسٹ میں کیمبرج سسٹم کے تمام 100 فیصد امیدواروں نے کامرانیاں سمیٹیں۔ اسی طرح آغا خان ایجوکیشنل بورڈ کے 49 میں سے 48 طلبہ (تقریباً 98 فیصد) کامیا ب رہے، جبکہ آئی بی اے کراچی کے تحت ٹیسٹ دینے والے کراچی بورڈ کے 1,662 طلبہ میں سے 1,521 (تقریباً 92 فیصد) امیدواروں نے انجینئرنگ کے داخلہ ٹیسٹ کو پاس کیا۔

اس کے برعکس اندرونِ سندھ کے سرکاری تعلیمی بورڈز کے نتائج ملا جلا اور متضاد منظرنامہ پیش کر رہے ہیں۔ نوابشاہ بورڈ کے 78 فیصد، لاڑکانہ بورڈ کے 75 فیصد، حیدرآباد کے 74 فیصد اور سکھر بورڈ کے 69 فیصد طلبہ داؤد یونیورسٹی کے ٹیسٹ میں پاس ہو سکے۔

این ای ڈی اور ایم ڈی کیٹ کے دلچسپ و متضاد اعدادوشمار،  ماہرین  تعلیم کے لیے سب سے دلچسپ  پہلو یہ ہے کہ یہی اندرونِ سندھ کے سرکاری بورڈز، جو این ای ڈی اور داؤد یونیورسٹی جیسی معروف انجینئرنگ یونیورسٹیوں میں کیمبرج اور کراچی بورڈ کے مقابلے میں کم تر کارکردگی کا مظاہرہ کرتے ہیں، میڈیکل کے ٹیسٹ میں بالادست دکھائی دیتے ہیں۔

لاہور،سکولوں میں تعلیمی معیار اور طلبا کی حفاظت کے لیے انتظامیہ متحرک، اسسٹنٹ کمشنرز کی فیلڈ انسپکشنز

اس سے قبل آئی بی اے سکھر کے تحت منعقدہ ایم ڈی کیٹ کے ٹیسٹ میں حیرت انگیز طور پر اندرونِ سندھ کے طلبہ نے ٹاپ پوزیشنز حاصل کی تھیں اور کیمبرج، آغا خان بورڈ اور کراچی انٹرمیڈیٹ بورڈ کا ایک بھی طالب علم ٹاپ 20 کی فہرست میں جگہ نہیں بنا سکا تھا۔ تاہم، جب بات انجینئرنگ کے داخلہ ٹیسٹوں (این ای ڈی اور داؤد) کی آتی ہے، تو این ای ڈی میں سکھر بورڈ کی کامیابی کی شرح محض 35 فیصد اور لاڑکانہ کی 36 فیصد رہ جاتی ہے، جبکہ کیمبرج اور آئی بی اے کے طلبہ ایک بار پھر بازی لے جاتے ہیں۔

ان متضاد نتائج اور پرائیویٹ بمقابلہ سرکاری بورڈز کے اس واضح فرق نے صوبے میں یکساں اور شفاف تعلیمی و امتحانی معیار پر نئی بحث کا آغاز کر دیا ہے

urdutaleem@gmail.com

Recent Posts

پنجاب یونیورسٹی،شراب کی بوتلیں برآمد خاتون سمیت تین گرفتار

لاہور(ایجو کیشن رپورٹر) لاہور میں پنجاب یونیورسٹی کی سیکیورٹی نے نیو کیمپس کے گیٹ نمبر…

17 گھنٹے ago

اب پرچے امتحانی مراکز پر ہی پرنٹ ہوں گے،فیڈرل بورڈ نے سسٹم متعارف کرا دیا

اسلام آباد (ایجوکیشن رپورٹر) فیڈرل بورڈ آف انٹرمیڈیٹ اینڈ سیکنڈری ایجوکیشن (ایف بی آئی ایس…

23 گھنٹے ago

پنجاب, سرکاری سکولوں کے اساتذہ کے لیے نیا ڈریس کوڈ جاری, جینز، ہیل والی جوتیوں اور سن گلاسز کے استعمال پر پابندی

لاہور (ایجوکیشن رپورٹر) پنجاب کے سرکاری سکولوں کے اساتذہ کیلئے نیا ڈریس کوڈ جاری کردیا…

1 دن ago

متروکہ وقف املاک بورڈ, 200 ہندو اور سکھ طلبہ کو ماہانہ سکالرشپس دینے کی منظوری

اسلام آباد (ایجوکیشن رپورٹر) متروکہ وقف املاک بورڈ نے ٹرسٹ پراپرٹیز کی جیو ٹیگنگ کا…

1 دن ago

سندھ کے سرکاری کالجوں میں جعلی حاضریوں کا انکشاف، ملوث پرنسپلز اور عملے کے خلاف کارروائی کا حکم

کراچی (ایجوکیشن رپورٹر) سندھ کے سرکاری کالجوں میں جعلی حاضریوں کا انکشاف ہوا ہے، محکمہ…

1 دن ago

صوبے کی تمام سرکاری یونیورسٹیوں کو کامیابی کے ساتھ مالی بحران سے نکال لیا، گورنر بلوچستان

کوئٹہ (ایجوکیشن رپورٹر) گورنر بلوچستان جعفر خان مندوخیل نے اعلان کیا ہے کہ سردار بہادر…

1 دن ago