لاہور(ایجو کیشن رپورٹر) حکومتِ پنجاب نے صوبے بھر کے تمام سکولوں کا 100 فیصد فزیکل معائنہ (جائزہ) کرنے کا بڑا فیصلہ کیا ہے۔ تمام اسسٹنٹ ایجوکیشن افسرز کو اپنے متعلقہ علاقوں کی حدود میں آنے والے تمام سکولوں کے لازمی دورے کرنے اور تفصیلی رپورٹ جمع کرانے کی ہدایت کر دی گئی ہے۔
تدریسی معیار اور بنیادی سہولیات کا معائنہ
دوروں کے دوران اے ای اوز سکولوں میں تدریس کے معیار اور عمومی سہولیات کا تفصیلی جائزہ لیں گے۔ اس کے علاوہ سکولوں میں صفائی ستھرائی، بشمول کلاس رومز، واش رومز، گراؤنڈز، لان اور چھتوں کی حالت کا بھی معائنہ کیا جائے گا۔
بجلی کے نظام، سیکیورٹی اور دیگر ایس او پیز کی چیکنگ
ہدایات کے مطابق سکولوں میں پنکھوں، لائٹس، سوئچز، ساکٹس اور وائرنگ کی فعالیت جانچنے کے ساتھ ساتھ صاف پینے کے پانی اور فعال واش رومز کی دستیابی ہر صورت یقینی بنانے کی تاکید کی گئی ہے۔ مزید برآں، سکولوں میں سیکیورٹی اقدامات، سی سی ٹی وی کیمروں کی فعالیت اور متعلقہ ایس او پیز پر عملدرآمد کا بھی کڑا جائزہ لیا جائے گا۔
مانیٹرنگ ایپ پر 100 فیصد رپورٹ اپ لوڈ کرنے کا حکم
اے ای اوز کو تفویض کردہ تمام سکولوں کا فزیکل انسپیکشن مکمل کر کے وزٹ رپورٹس کو ماہانہ بنیادوں پر مانیٹرنگ ایپ پر 100 فیصد اپ لوڈ کرنے کا حکم دیا گیا ہے۔ تمام ڈسٹرکٹ ایجوکیشن اتھارٹیز کے سی ای اوز (CEOs) کو ہدایت کی گئی ہے کہ وہ ان احکامات پر سختی سے عملدرآمد یقینی بنائیں۔
کراچی(ایجوکیشن رپورٹر)زندگی ٹرسٹ، دوربین اور میٹا کے اشتراک سے، اور حکومتِ سندھ کی معاونت کے…
فیصل آباد (ایجوکیشن رپورٹر) بورڈ آف انٹرمیڈیٹ اینڈ سیکنڈری ایجوکیشن فیصل آباد نے چیئرمین بورڈ…
راولپنڈی (نمائندہ حصوصی) محکمہ تعلیم نے سرکاری سکولوں کی نجکاری کے چوتھے فیز کی منظوری…
کراچی (ایجو کیشن رپورٹر)سر سید یونیورسٹی آف انجینئرنگ اینڈ ٹیکنالوجی کراچی کے شعبہ سپورٹس کے…
پشاور (سپیشل رپورٹر) خیبر پختونخوا کے محکمہ آرکائیوز اینڈ لائبریریز کے چیف لائبریرین ڈاکٹر محمد…
خانیوال(نمائندہ خصوصی ) پبلک سکول اینڈ یونیورسٹی کالج میں سائیکلنگ مقابلےسائیکلنگ بچوں کی جسمانی صحت،…