Categories: تازہ ترین

سگریٹ اور نکوٹین کا استعمال نشے کی جانب پہلا قدم ہے، بریگیڈیئر مظہر اقبال

منشیات کی سپلائی چین توڑنے کے لیے طلب کا خاتمہ ضروری ہے، ڈی جی سی این ایف کا یو ای ٹی لاہور کے دورے پر خطاب

گزشتہ 8 ماہ میں 1120 آپریشنز، 22.1 ٹن منشیات برآمد کر کے بڑے نیٹ ورکس بے نقاب کیے، وائس چانسلر پروفیسر شاہد منیر سے ملاقات

لاہور (اسٹاف رپورٹر/ نامہ نگار) ڈی جی سی این ایف بریگیڈیئر مظہر اقبال نے یونیورسٹی آف انجینئرنگ اینڈ ٹیکنالوجی لاہور کا اہم دورہ کیا، جہاں انہوں نے وائس چانسلر پروفیسر شاہد منیر اور فیکلٹی ممبران سے ملاقات کی اور نوجوانوں میں منشیات کے بڑھتے ہوئے رجحان کے تدارک پر تبادلہ خیال کیا۔

اس موقع پر فیکلٹی اور طلبہ سے گفتگو کرتے ہوئے بریگیڈیئر مظہر اقبال نے کہا کہ سگریٹ نوشی اور نکوٹین کا استعمال نشے کی خوفناک دنیا کی جانب پہلا قدم ہیں، نوجوانوں کا منشیات کے مینیو پر ‘ایک انکار’ انہیں سینکڑوں معاشرتی برائیوں اور تباہی سے تحفظ کی ضمانت بن سکتا ہے۔ انہوں نے واضح کیا کہ منشیات کی سپلائی چین کو ہمیشہ کے لیے ختم کرنے کے لیے معاشرے سے اس کی ڈیمانڈ (طلب) کا خاتمہ بے حد ضروری ہے، اس ناسور کے خاتمے اور منشیات فروشوں کو عبرتناک سزائیں دلوانے کے عمل میں عدالتیں بھی متحرک شامل ہیں۔

ڈی جی سی این ایف نے تشویش کا اظہار کرتے ہوئے بتایا کہ گزشتہ 4 سے 5 برس کے دوران منشیات کے استعمال میں تیزی سے اضافہ ہوا ہے، منشیات فروشی کا مکمل خاتمہ اور اس سے متاثرہ افراد کی بحالی (ریہبلیٹیشن) اس وقت ایک بڑا چیلنج بن چکا ہے۔ ادارے کی کارکردگی پر روشنی ڈالتے ہوئے انہوں نے انکشاف کیا کہ گزشتہ آٹھ ماہ کے دوران ملک بھر میں 1120 کامیاب آپریشنز کیے گئے،

جن کے نتیجے میں 22.1 ٹن منشیات برآمد کی جا چکی ہے جبکہ منشیات کی اسمگلنگ اور فروخت میں ملوث کئی بڑے نیٹ ورکس کو بھی بے نقاب کر کے قانون کے کٹہرے میں لایا گیا ہے۔ وائس چانسلر پروفیسر شاہد منیر نے ڈی جی سی این ایف کی آمد پر ان کا شکریہ ادا کیا اور یونیورسٹی کی سطح پر آگاہی مہم چلانے کے عزم کا اظہار کیا۔

urdutaleem@gmail.com

Recent Posts

پنجاب یونیورسٹی،شراب کی بوتلیں برآمد خاتون سمیت تین گرفتار

لاہور(ایجو کیشن رپورٹر) لاہور میں پنجاب یونیورسٹی کی سیکیورٹی نے نیو کیمپس کے گیٹ نمبر…

13 گھنٹے ago

اب پرچے امتحانی مراکز پر ہی پرنٹ ہوں گے،فیڈرل بورڈ نے سسٹم متعارف کرا دیا

اسلام آباد (ایجوکیشن رپورٹر) فیڈرل بورڈ آف انٹرمیڈیٹ اینڈ سیکنڈری ایجوکیشن (ایف بی آئی ایس…

18 گھنٹے ago

پنجاب, سرکاری سکولوں کے اساتذہ کے لیے نیا ڈریس کوڈ جاری, جینز، ہیل والی جوتیوں اور سن گلاسز کے استعمال پر پابندی

لاہور (ایجوکیشن رپورٹر) پنجاب کے سرکاری سکولوں کے اساتذہ کیلئے نیا ڈریس کوڈ جاری کردیا…

20 گھنٹے ago

متروکہ وقف املاک بورڈ, 200 ہندو اور سکھ طلبہ کو ماہانہ سکالرشپس دینے کی منظوری

اسلام آباد (ایجوکیشن رپورٹر) متروکہ وقف املاک بورڈ نے ٹرسٹ پراپرٹیز کی جیو ٹیگنگ کا…

20 گھنٹے ago

سندھ کے سرکاری کالجوں میں جعلی حاضریوں کا انکشاف، ملوث پرنسپلز اور عملے کے خلاف کارروائی کا حکم

کراچی (ایجوکیشن رپورٹر) سندھ کے سرکاری کالجوں میں جعلی حاضریوں کا انکشاف ہوا ہے، محکمہ…

21 گھنٹے ago

صوبے کی تمام سرکاری یونیورسٹیوں کو کامیابی کے ساتھ مالی بحران سے نکال لیا، گورنر بلوچستان

کوئٹہ (ایجوکیشن رپورٹر) گورنر بلوچستان جعفر خان مندوخیل نے اعلان کیا ہے کہ سردار بہادر…

21 گھنٹے ago