لاہور(سپیشل رپورٹر)معروف عالم دین و مذہبی اسکالر مولانا طارق جمیل نے پشاور میں سکول کی عمارت گرنے کے نتیجے میں بچوں اور اساتذہ کے جاں بحق ہونے کے واقعے پر گہرے دکھ اور افسوس کا اظہار کیا ہے۔
سماجی رابطے کی ویب سائٹ ایکس پر جاری اپنے بیان میں طارق جمیل نے کہا کہ پشاور میں اسکول کی چھت گرنے سے معصوم بچوں اور اساتذہ کی شہادت کا سانحہ انتہائی المناک اور دل دہلا دینے والا ہے۔
مولانا طارق جمیل نے کہا کہ ننھی جانوں کا یوں دنیا سے رخصت ہو جانا اور علم کی روشنی پھیلانے والے اساتذہ کا اس حادثے کا شکار ہونا ایک ایسا صدمہ ہے جسے الفاظ میں بیان کرنا ممکن نہیں۔
پنجاب یونیورسٹی میں 3 روزہ کتاب میلہ شروع
انہوں نے کہا کہ جاں بحق افراد کیلئے دعا کرتے ہوئے لکھا کہ اللّٰہ تعالیٰ شہداء کے درجات بلند کرے، لواحقین کو صبرِ جمیل عطا فرمائے اور زخمیوں کو جلد صحتِ کاملہ نصیب فرمائے۔
پشاور میں گرنے والی اسکول عمارت کے مالک کو گرفتار کرلیا گیا، گورنر خیبر پختونخوا
خیال رہے کہ پشاور میں اسکول کی عمارت کی چھت گر گئی، جس سے 34 بچے اور ایک ٹیچر جان سے گئے، 53 بچے زخمی ہوئے۔
