کراچی (ایجو کیشن رپورٹر)
وفاقی اردو یونیورسٹی کے عبدالحق کیمپس اور گلشن اقبال کیمپس کی انجمن اساتذہ اور المائی نمائندگان نے 17 ستمبر 2026ء کے اجلاس میں وائس چانسلر کی شرکت اور سینیٹ کی بعض نشستوں پر نامزدگی کے طریقہ کار کی شدید مذمت کرتے ہوئے اجلاس کی کارروائی دوبارہ طلب کرنے کا مطالبہ کیا ہے۔ انہوں نے زور دیا ہے کہ سینیٹ اور سینڈیکیٹ کی متعلقہ نشستوں پر نامزدگیاں یونیورسٹی کے قانون کے مطابق کی جائیں۔
پشاور ہائیکورٹ، 23 امیدواروں کو 6 سال کے لیے نااہل قرار دینے پر کنٹرولر امتحانات کوہاٹ بورڈ طلب
مشترکہ بیان کے مطابق، 17 ستمبر 2026ء کو منعقدہ نامزد کنندہ کمیٹی کے اجلاس کے لیے رجسٹرار کی جانب سے جاری کردہ ایجنڈے میں سینیٹ کی نشست نمبر 17(1)(g) پر نامزدگی کا معاملہ شامل نہیں تھا، تاہم اجلاس میں مذکورہ نشست سے متعلق معاملہ زیر بحث لایا گیا۔ بیان میں کہا گیا ہے کہ سینیٹ کی نشست نمبر 17(1)(g) پر المائی نمائندے کی نامزدگی کے لیے مقررہ قانونی طریقہ کار پر عمل نہیں کیا گیا
اور بعض افراد کے نام مقررہ نامزدگی کے طریقہ کار کے بغیر شامل کیے گئے، جس سے اراکین نامزد کنندہ کمیٹی نے بھی اختلاف کیا۔ مشترکہ بیان میں یونیورسٹی قانون کی دفعات 13(3)(c) اور 26(1)(e) کا حوالہ دیتے ہوئے کہا گیا ہے کہ سینیٹ کی مذکورہ نشست پر نامزدگی کے لیے قانون میں باقاعدہ طریقہ کار مقرر ہے، جس پر عمل درآمد کیے بغیر وائس چانسلر نے خود ہی اپنے پسندیدہ نام جن کو ایک المائی کے ڈنر میں المائی کمیٹی کا حصہ بنایا گیا تھا، شامل کر دیے
