پاکستان انجینئرنگ کونسل کا 5 ہزار انجینئرز کو عالمی سطح پر فری لانسنگ کی تربیت دینے کا بڑا فیصلہ
اسلام آباد (نیوز رپورٹر) پاکستان انجینئرنگ کونسل نے ملک کے نوجوان انجینئرز کے لیے بین الاقوامی مارکیٹ میں روزگار کے نئے دروازے کھولنے کے لیے "گلوبل انجینئرنگ فری لانس انیشی ایٹو” کے نام سے ایک جدید پروگرام شروع کرنے کا اعلان کر دیا ہے، جس کے تحت پہلے مرحلے میں 5 ہزار انجینئرز کو فری لانسنگ کی خصوصی تربیت فراہم کی جائے گی۔
اس پروگرام کا بنیادی مقصد انجینئرز کو آن لائن پلیٹ فارمز کے ذریعے اپنی تکنیکی خدمات عالمی سطح پر فروخت کرنے کے قابل بنانا ہے، جس کے لیے انہیں بین الاقوامی فری لانسنگ ویب سائٹس پر کام کرنے کے طریقے، مضبوط پورٹ فولیو کی تیاری اور پہلا پروجیکٹ حاصل کرنے کے حوالے سے جامع پیشہ ورانہ رہنمائی دی جائے گی۔ چیئرمین پی ای سی انجینئر وسیم نذیر کا اس حوالے سے کہنا ہے کہ
دورِ حاضر میں انجینئرنگ کا شعبہ تیزی سے ڈیجیٹل اور ریموٹ ورکنگ کی طرف منتقل ہو رہا ہے، لہٰذا اس اقدام سے نہ صرف نوجوان انجینئرز کو معاشی خود مختاری ملے گی بلکہ مصنوعی ذہانت پر مبنی کیریئر اسیسمنٹ کے ذریعے ان کی صلاحیتوں کا درست تعین بھی کیا جا سکے گا۔ انہوں نے مزید امید ظاہر کی کہ اس پروگرام سے پاکستان کی انجینئرنگ خدمات کی برآمدات میں خاطر خواہ اضافہ ہوگا اور ملک کے لیے قیمتی زرمبادلہ حاصل کرنے میں مدد ملے گی، جو کہ قومی معیشت کی بہتری کے لیے ایک اہم سنگ میل ثابت ہوگا۔
پشاور (سپیشل رپورٹر) خیبر پختونخوا کے محکمہ آرکائیوز اینڈ لائبریریز کے چیف لائبریرین ڈاکٹر محمد…
خانیوال(نمائندہ خصوصی ) پبلک سکول اینڈ یونیورسٹی کالج میں سائیکلنگ مقابلےسائیکلنگ بچوں کی جسمانی صحت،…
تربت (نمائندہ حصوصی) گورنمنٹ گرلز ماڈل ہائی سکول تربت کی طالبات نے ریڈیو پاکستان تربت…
کوئٹہ (نمائندہ حصوصی) بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز نے اپنے سکول…
مالاکنڈ (نمائندہ حصوصی) کمشنر مالاکنڈ ڈویژن اقبال حسین باچا نے محکمہ تعلیم اور صحت میں…
ڈیرہ اسماعیل خان (نمایندہ اردہ تعلیم ڈاٹ کام) تعلیمی اداروں میں تدریسی و غیر تدریسی…